ولا أنتي ولا غيرك

[محيط المشاعر]

ولا أنتي ولا غيرك ولا حتى السنين السود
تخلي دمعتي تنزل على خدي و ألملمها..

انا ادري منيتك انك تشوفيني وانا مهدود
ولكن اغسلي ايدك محال دموعي أذرفها..

احبك كنت انا احبك وحبك كان بي موجود
ولاكن عشرتك الحين انا من قلب عايفها..

عطيتك كل ما أملك ولا فكرت با مردود
وكل ما تصدميني بجرح اقول أحباب طوفها..

تقولين الخطاء وارد وانا اقول الصبر بحدود
تقولين البشر تخطي واقول الناس عارفها..

وأنتي ما أنتي أولهم ولا أنتي أخر المطرود
ولا أنتي درس علمني عطايا القلب أطرفها ..

انا ربي وهو ربك وهو الخالق المعبود
خلق نفسي عشان اني على الصعبات أكلفها..

انا ماني هذاك اللي اذا ضاقت عليه يعود
انا ياالضيقه تنسفني يأماالضيقه انسفها..