ܔْށجرح العامܔْށ مصافحه آولى

[الـفهد آهات]

ܔْށجرح العامܔْށ

بعينك وش تراي اقوى حبيبي فوق جرح العام = صروف الوقت والا هاجسي والا غرابيلي
دخيلك مابقى كون القدر يرسل علي سهام = ويصبح جرح حبي والزمن كسبي وتحصيلي
وانا اللي من عرف نفسه وحظه طايح ماقام = الا واكبر دليل ان القدر طفى قناديلي
وانا صورة خيال ٍ تعجز الناظر عن الرسام = رسمها الوقت بألوان العذاب بفن تشكيلي
تصور جرح مايفنى تبين قدرة الألهام = وتجعل للشقى معنى وتشرح حال اماثيلي
على قصة غرام ٍ صادقه شحت بها الأيام = بكاها من عرف للحب معنى من مواويلي
بها اللهفه بها الفرحه بها الضيقه بها الأحلام = بها ايام الهنا يوم اكتب اشعاري وترثيلي
واقول اخاف للدنيا تخلي حبنا ينضام = وتضحك لي وتسهرني ومن دنياك تشكي لي
وتخبرني بحبي لك وتحكي لي عن الهيام = وتجعلني هواك وعلتك وتخاف من ميلي
وانا عاشق فنى عمره وهو في قبضه الأوهام = واحب بقلب مايبصر وهذا من تهاويلي
وإذا ذقت العنا عام ٍ انا لي في هواك اعوام = واحبك من خفوق ٍ طول عمره عنك يحكي لي
واذا شحت بك الدنيا انا من طاح فيك وهام = ولايمكني انسى عشرتك لو ينهدم حيلي
وهذا عهد من قلبي قطعته والحياه الالام = فلاتخشى الزمن لأجلي وفيني هاك توكيلي
وماتبغاه من قلبي خذه لو تاخذه بأجرام = تراك اللي من العالم عليه يكون تفضيلي

وسلامتكم

شعر

الفهد آهات