نزعل ونتكبّــر وحنا من الطيـــن..
والكل منا صــــدّ لا أقبل خويّــه.!
نفخر نقول إنا على الصد قاوين..
وهــــيّ علينا في الحقيقـة قـويه.!*
نشفق على الطيبة وكسب الكريمين..*
وهذي بنا لاشـك فعــــلة رديــــــــه.!
ننسى نهايتنا وعلى وين ماشيـــن..
وننسى الزمان اللي جمعنا سـويه.!
المــشكلة ماهي بـ حاجة لــ تخمين..
ولاهي بعد ياناس صعب القضيــه.!
دق الرقم: كيفك.. هلا فيك.. وأهليـن..
أنــا الخــوي اللـي مـــزعّــل خويــــه.
قلّه: تغيب وصـــورتك داخل العين..
ويبقــى لـ قدرك في خفوقي بقيـه.
أخوان حنا لو يجي بيننا شيــن..
ومانفتـرق دام المعــــزه نديــــــه.
خلك قــوي لاتحتــــكرك الشياطين..
قبل الفوات وقبل وقت المنيــــــــــه.
كلّم خويــك بـــ اطيب الهرج واللين..
وأعرف جميل الهرج يمسـح رديــه.
هذي هي الدنيا من الحين لـ الحين..
لابد بين الناس تحصــــل خطيـــــه.
ومن لا يقدر غلطة أصحابه الحيـن..
يقـــــرأ حـــــروفي ويعتبرها هــديه.
باكر تمر سنين وسنين وسنيـــــن..
والـكل يرحـل في الدروب المـديـه.
صدقني تندم وأذكر حروفنا زين..
على ابن عمك إذا غاب ضيّـــــــه.
دنيا غريبــــة وأكثر الناس ماشين..
وكم واحـــدٍ والله إدفنته يديـــــــه.
13-07-2012, 01:09 AM
العرض الشجري