ياسايق الشرهه على مغليك ماعندك خبر ..
أنّ الظروف المبهمه تع** قوانين الحياه
والآدمي يطرد هواه .. ويقنعه حكم القدر
يقنع بما ياتيه من ربّه .. لو أنّه مآرضاه
لاياوجودي وجد جرد البيد للثوب الخضر!
من نوّ براقً على مدّ النظر يوضي سناه
ولاياوجودي وجد عودً عاش عمره بالفقر
بادت عزومه من زمانه يوم خاب اللي رجاه
ولاياوجودي وجد راع البل لهمّال المطر
عودً عيونه فالسحاب .. ويطلب الله من عطاه
ولاياوجودي وجد من ضيّع طريقه فالبحر
هبّت عواصيف الريآح وسار من دون إتّجاه
عشرين يوم ومركبه تايه ولا حوله .. بشر
والموج يغرق مركبه والمزن فوقه هلّ ماه
ولاياوجودي وجد مرضآنً يقزّيه السهر
صبره نفذ..مابه جهد ..عاش النكد .. صعبً دواه
ولاياوجودي وجد من شالوا حبيبه للقبر
وألاّ وجود اللي زمانه با أصعب ضروفه بلاه!
عليك ياللي شدّت رحالك وعزّمت السفر
كنّي يتيمً من عذابه ي**ر الخاطر بكاه
ياطول ليلي .. يآعذابي .. كيف أبا ألقالي عذر
من خافقً يطرق وريده واهجً بيّح خفاه
سريت لي في وسط ليلً لانجوم ولا قمر
ليلً ظلامه موحشً وأكثر ظلامه من عناه!
لاعادك الله يالغلا .. اللي فيه للعاشق كدر
لاصار من نغليه عن مغليه يبعد به غلاه
ترى الحقيقه من نفوس الناس صارت في خطر
لاصار من يخطي يحمّل وقته الجاير .. خطاه!
ومن القلوب اللي بهذا الوقت تشبه للحجر
تجحد مشاعر طيّب الخافق وتعلن لّه جفاه
وأنا نويت أحمّل ركاب الجزاله .. بالشعر
من شاعرً لو قال أله بيتين : شدّ الأنتباه
أنحت صخر .. وأغرف بحر .. وأنظم درر ..وأقطف زهر
والشعر وهبه من كريمً كلّ خلقه في رجاه
والرجل ودّك في حياته للخلايق .. يشتهر
من طيب فعله والكرم والجود .. وألاّ من رداه
17-10-2012, 10:09 AM
العرض الشجري