لبا عيونه

[عيد بن شدقان]

السلام عليكم

الشعر له عندي مكانه وتقدير=اعشق معانيه وباخص بحوره
واجيب بيتي وافين دون تقصيير= ومن دون ما اخذ من احدن مشوره
واصغير في عمري ولكني اكبير=بالعقل احكم كل شين بدوره
وارجع على موضوع سيد الغنادير=يومه يشيد في فوادي قصوره
كن قلبي سنافي وطيفه مسايير=لامن لفاه الضيف هلا بحضوره
يازين زوله لالفا قدمي ايسير=ويناظر عيوني بنفسن طهوره
لبا عيونه لا نظرني وش ايصير=لا سلهم بعينه يسبب خطوره
والزين عنده فاق كل المعايير =احلا بنات الكون صوتن وصوره
هو مصدر الهامي ونبع التعابير=وهو القصيد العذب واجزل شطوره
وحبيت زوله مثل حب المغاتير=عودن يحب الذود بصدق شعوره
يفرح اليامن شاف عشب النواوير=وقول السنه هذي تربع بكوره
يعني احبه حب من دون تزوير=حبن قديمن ويتجدد صدوره

وسلامتكم