|
عند الكرامه عزتي مالها حد
صحيح اعشقك واعشق العين والقد = وصحيح أحـب محادثـك واجتماعـك
صحيح يجبرني على شوفـك الـود = وصحيح يذوب القلب عند استماعـك
لكن حقيقه لو تجـي ساعـة الجـد = يصبح هجومك مهزلـة فـى دفاعـك
عند الكرامـه عزتـي مالهـا حـد = محسّب حسـاب لجيتـك او وداعـك
شفني كما حرٍ علـى صيدتـه هـد = يجيب راسـك لـو يطـول ارتفاعـك
ضد الخضوع وضد لا شفت انا الضد = مثل البحر يفرقـك ويفـرق شراعـك
حذرا تعاملنـي تراضـي مـع شـد = ان ما شريـت القلـب واللـة باعـك
ماني غريب اوظاع يا راعي الصـد = ولاني ضعيف العـزم حبـك وطاعـك
ولا توقـع يصبـح الدمـع بالخـد = انـا طباعـي مـا تماثـل طبـاعـك
جاني سؤالك وانت خذ منـى الـرد = واليا بغيـت اتـروح حـزم متاعـك
التعديل الأخير تم بواسطة الجويّر ; 21-09-2005 الساعة 02:13 PM
|
العرض الشجري