السلام عليكم ورحمة الله وبركاته
عودنا على الشخابيط
نبتدي
بسم الله الرحمن الرحيم
تعالو ماوس خاص بالبنات
( عنوان موضوع للوايلي في منتدى الكمبيوتر والإتصالات )
والله عالم التكنولوجيا ماخلا شي يالوايلي ، وأنا سمعت إن فيه كمبيوتر إسلامي شاشته منقبّه
،
،
،
فوز العجمان في مصر برئاسة إتحاد الطلبه
( عنوان موضوع فارس الجنوب في المنتدى الإنتخابي )
هذي الدنيا يافارس الجنوب ، من بعد النكسه اللي صارت في الرقه وهديه ، العجمان اللي مرشح نفسه في مصر واللي مرشح نفسه في الاردن ، الله لايكسر شوكتنا ياشيخ
،
،
،
ياقصيد فزلـي مـره ولـو دقيقـه
................................. أنا شاعر أكتـب ولا احـب اتحاكـا
وان كانك تبي ابيـن لـك الحقيقـه
................................. والله اني على متون الشعر اتراكـا
( بيتين من قصيده للمتميز في منتدى المحاولات الشعريّه )
والله يالمتميز لو إنك صادق كان نقلنا قصايدك من منتدى المحاولات الشعريّه لـ منتدى صدى المشاعر
لكن إن طاعني أبو عبدالله ؟ عطيناك لقب عمدة منتدى المحاولات الشعريّه
،
،
،
يانجمة الصبح
( عنوان قصيدة للجويّر في صدى المشاعر )
أها ، وأنا أقول منهي له القصيده اللي يغنيها مشعان مجول على الربابه !
،
،
،
الموضوع اختفا
( عنوان شكولا للعضو AL3JME في منتدى الشكاوي والإقتراحات )
يالعجمي أنا بعلمك بس لاتقول أبو زيد علمني ، الادارة الله يعطيها العافيه يوم سوت تصميم المنتدى سوته في محل ( مش حالك ) ، وصار عندنا ثغره في زاوية المنتدى الجنوبيه الغربيه ، وبعض المواضيع بقدرة قدير تختفي ، ومره وأنا على فالي شابك الساعه 3 الفجر ، شوف العين يالعجمي والله ، شفت موضوعك مع موضوع عضوه يسولفون وماسكين إيد بعض ويمشون متجهين للزاويه الجنوبيه الغربيه وإطلعوا.
،
،
،
تصاميم الفلل والديكورات الداخليه
( عنوان موضوع صعبة المنال في منتدى الاسره والمجتمع )
ذاك اليوم أنا في محل ديكورات بغيّر ديكور المجلس ، الوكاد إنه عرض علي كتلوجات وما أعجبتني ، قال أصبر ، وهو يشبك ويدش منتدى العجمان ويدخل على موضوع الأخت صعبة المنال ، ويوريني الديكورات وأخترت الشكل اللي ابيه ، وسألته أنت من متى في منتدى العجمان ؟ قال تصدق إن رزقي كله من هالتصاميم اللي في منتدى العجمان ؟
،
،
،
ياهيه حنا بالجزيلات نحري = وياناشدٍ عنّا ترانا سفارين
( بيت من قصيدة هداج تيما في صدى المشاعر )
والله البيت هذا ماعندي عليه تعليق بس حطيته من باب العنصريّه 
الزعل مرفوع والدين ممنوع والرزق علي الله
نراكم على خير في الشخابيط الجايه
21-09-2005, 10:17 AM
العرض الشجري