مسجات أشعار .. نقوه من قصائد التــركــي

[وديان]

مسجات منتقاهــ من أشعار الشاعر المعتزل

متعب التركـــــي

واللي حقيقه ترسخت في الذاكرهــ

ومع ذكر أشعاره ندعوا له بالسعاده دنيا وآخره

والله يتم عليه بالهاديه والصلاح




لي في حياتك ذكريات وخفايا .. تبقى ولو باكر غزا راسك الشيب

.
.
.

لك بقلبي غلا وإعجاب ماهو بـ زايل .. لو على الأرض زال طويق ولا سنام
كن دمع العيون اللي على الخد سايل .. صافي الما وهو يروي ورود الخزام


.
.
.


ياوسيع البال ضيقت الصدور .. رحت ماعلمتني وين انت ساري
في غيابك ما لخلق الله حضور .. وفي حضورك مالهم بالبال طاري


.
.
.


آخر اللي سمعته في نهار الوداع .. دقت القلب مدري صوت عجل الخطاوي


.
.
.


قله فراقه ترى ماعاد يرعبني .. ماعاد يسوى بعيني ربع تعريفه
أنغام عزفه ترى ماعاد تطربني .. عندي تساوى برود شتاه مع صيفه


.
.
.


دامه لقى له غير قلبي معازيب .. الله يسمح درب هاك السنافي
يــرووح لايرجي رسول ومكاتيب .. هو خابر اني مااتلفت خلافي
اليوم نفسي طابت وباكر يطيب .. جرحي , لوانه من ايدين المشافي


.
.
.


لا تكملي الغلطات والعوج عوج .. يضحك حجاج ولا ينعقد لي حجاج
اصبر شوي وش علمك تهوج وتموج ؟ .. ميت القلب مثلك مايعرف الهياج
ماتعودت أجامل معتلين البروج .. إلزم العلم قبل يصير علمك هماج


.
.
.


تنساني أيام وتجيني متى ماذكرت .. إليا متى وأنت نفسي حابس أنفاسها
كنت أجمل أحلام عمري بس ليه انكسرت ! .. يازين الأحلام لوماينكسر باسها


.
.
.


لا تنشغل فيني أنا بحالي أدري .. قلب(ن) تعلق فـيك ,, ينسى مع الوقت
أكــثر من اللي صــار لي ويــش يجــرى .. بين الأمل والياس شفني تعلقت


.
.
.


السيل يبقى له مع القاع مجرى .. ويبقى لك التذكار لوكنت فارقت
أشوف لك من وين مارحت ذكرى .. ولاشفتها صديت عنها ودنقت
ماكل جرح(ن) لاخذا أيام يبرى .. بعض الجروح يزيد شره مع الوقت


.
.
.


خافوا من الله لاتجيبون طاريه .. لاصرت أنا موجود لاتذكرونه
لو كل غالي جابه الله لغاليه .. ماشفت لك مخلوق تبكي عيونه


.
.
.


دليل المحبه .. شوف عيني عليك تغااار .. ولا ودي الحاسد عيونك يطالعها
مع إنك رحلت بعيد لكن بقى التذكار .. ليا شافته عيني تسابق مدامعها
دفنت الغرام بخافقي ,, والقلوب أسرار .. مشاعر هقيت إن الليالي تضيعها


.
.
.

أحد(ن) يخون ,, وواحد الوقت خانه .. أنا ترى الثاني والأول تراه إنت


.
.
.


مرات أحس إنك معي شخص ثااني .. ومرات أحس إنك حبيبي ومازلت


.
.
.


مرخوص ياللي بعت غيره عشانه .. أزريت عن رد الجزا أو تهاونت
مابي لك أكثر سد باب الميانه .. بانت مع الوقت الخفايا وبينت


.
.
.


لو كل غالي يجي دايم على ذكره .. ماصرت أشوفك هناك وحبك هنياا