بسم الله الرحمن الرحيم
جورك يازمن
جهلت الحب من مبطي زماني =واخر عمري غصيت بحبيــبه
وعشت العمر في لحظة ثواني =وعمرن حاضـرن ما اهتني به
بسهم الشيب عشقي قد رمانـي =وأنا حبي بدنـــياهــا ضــريبـه
تمنيت الفنا قبل الهوانـــــــــي =تمنيته لجل دفـــــع المصيبـــه
وموتي ماتمنيته عـــــشانــــي =لجل مانعيش في دنيا غريبـــه
بنيت احلام وقصور وأمانــي =ونهرتحتها يجري بـــــريبــــه
واشجار ثمرها فوق دانــــــي =وحور حالهم نفـــس رحيبـــــه
هدوء يمتزج به من حنانـــي =حنان يشفي جروحن عطيبــــه
انانصف وانتي نصف ثانـي =وحبك جرحي الدامي وطبيبـــه
ورحلة حظي اللي قد بلانـي =يعاودني ويحرقني بلهـــــيبــــه
رجيته مامضى لي قد كفاني =ويكفي صوتي الباكي ونحيبـــه
ابي صفحة جديدة في زماني =اعوض حظي اللي مبتلي بــــه
وهذي نورتي تملك كيانـــي =بعيده بالمسافة بس قريبــــــــــه
غدت شمعه تنورفي مكاني =وغدت نورن ابد مافــقــــد مغيبه
وانا رجال ابغي من بغانــي =واطلب من بغا قربي واجيبــــه
واذا عاندني الحظ وعصاني =اجيبه بالهدى او بالغــــــصيبــه
واذا به لوم لوموني ترانــي =فقدت بحبها قلبي وطيبــــــــــــه
وسلامتكم
قصيدة / صقر العجمان
20-10-2005, 08:59 PM
العرض الشجري