من جديدي (كسوة العيد)

[فيصل المريسي]

كســـــوة العيد
اعيادنا صارت من الغرب تقليد=صرنا نفاخر بالثياب الجديده
صرنا نردد ما يقولون ترديد=وافكارهم صارت علينا اكيده
وااقع نعيشه مانبي اي تأكيد=وااقع نشوفه في مظاهر عديده
لا فكارهم صرنا من الايد للايد= واستعمرو فينا العقول السديده
كم من يتيم ما لقى كسوة العيد=وكم من فقيرأ ماضحك يوم عيده
اوطان تذبح شعبها قتل.. تشريد=ولا حدأ نطق منا بكلمه مفيده
يا امة الاسلام مايفيد مايفيد=مافيه احد يختار موته بأيده
وسكوتنا يعني مذله وتأييد=وافواه تصرخ والمشاعر بعيده
اوطان ضاعت مالها اي تحديد= غير المناصب والاسامي العديده
وحنا مثل ماحنا تنديد تنديد= عايشين ماندري وش اللي نريده
غير الحياه اللي من الغرب تقليد=والا التفاخر بالثياب الجديده

فيصل المريسي