سعد علوش (طيب ابكتب لك نبط)

[غيام]

مايصير ...
وين تحديد المصير
رحت مع ذاك الطريق وانا مع ذاك الطريق
صرت حتى ماتطيق
رفقتي لك يارفيق
غيروك وصرت غير
دامني محسود باني شاعرك ومنغبط
ليه انثرلك كلاما كل مايعلو هبط
انت يعجبك النبط
طيب ابكتب لك نبط

صاحبي مامن الدنيا ولا الناس خوف=دام جاه الله معزب وذكره خوي
والدليل انها لا قربتك الظروف=رحت ماكني مشفق ولا مهتوي
اتبيعد ولا اشوفك على شان اشوف=اني الظامي الي مايبي يرتوي
لاني اجلس وسط عينك واخاف الوقوف=وطبعا اخاف من بعد الوقوف اهوي
مابي اكون دمعة حزن بين الكفوف=لاني اكبر من ذراع الزمن واللوي
خلني جامد في بعدك ومنلاف لوف=لجل لاشفتك اتناثر وله وانطوي
اه من نظرتك لاوزعتني صفوف=جل منهو مسوي شي مايستوي
كن في عينك دجى ليله وزحمة سيوف=اركزوها هل العليا في بطن محوي
تقتبس كل تحفه من وصوفك وصوف=لبا وجهك ولبا كل مايحتوي
فيه من نوف ابوالطيب على الناس نوف=وفيه فسقان متحضر وحزن ابدوي
ليه تحزن ياعمري والضياع مخلوف=شوفني مبتسم والناس تكوي كوي
لان عندي درايه في الزمن ومعروف=السوي الي يسبه شخص .. ماهو سوي
تدري ليه اتبسم لا اشتموني ضعوف=لان شتم الضعوف يدل اني قوي