مساء الخير ...
كيبورديه عابره
وليدة هذه اللحظه !
ماتباطيت القصيد الا تباطيتك
.......... الشعر فـي جيتـك شكـل وطعـم ثانـي
شوف أقبلت ولمحتك في شطر بيتك
......... ذكرى مجنونه أتسلى بضيقت أوزاني
ياعذب أحساسن ملكني علك وليتك
......... تفهم شعرن شربك بصحـت ألسانـي
يعلم الله بغيابك ماتناسيتك
......... بـس فـي مـره نويـت أنسـاك ممدانـي
قلت أبنسى وأرتفع صوتك ولبيتك
......... وأثر خفاقي بصوتـك عنـك نادانـي
ويش أسوي دامني بالجوف ربيتك
......... طفل تسوى هالحياه بعيـن شريانـي
تلعب وتكبر وتكبـر ليـن عديتك
......... بالغـلا آخـر أخواني وكـل شيبانـي
والله أن عمري بدى من يوم حبيتك
......... وأعرف أنه ينتهي لو قلت بتنسانـي
حط في بالك أنا من عام خبيتك
......... أن صحيت بخافقي وأن نمـت تجفانـي
مابي غيري يلمحك حتى لاغنيتك
......... غرت من صوت الصدى لاردد ألحانـي
من كثر ماشتقت لطيفك تمنيتك
......... رمش عيني أو تصير الشوف لعيانـي
والله أنك من لفيت بنبضي حييتك
......... وكني بقولـت هـلا بينـت حرمانـي
هذا حالي يالغلا من يوم خليتك
......... تطمن علـي وشوف في البعد وش جانـي
أذكر أني بالوفا صغتك وسميتك
......... وأذكـر أنـك بالوفـا كنـت أتحدانـي
وصرت أشكك في كلامك لين بكيتك
......... وقلت موعدنا يجي كان الله أحيانـي
ويوم جيت بخافقي وبخافقك جيتك
......... كنت أنا رابح مع أني خاسر أرهانـي
ياعساني صدق ولعتـك وهميتك
......... وياعسـاك بجـد تعشقنـي وتهوانـي
ولو تقول أني بغيابي عنك عنيتك
......... أنت همك صرت أعده بحسبت أخواني
صــبـــــــــــــأ
23-11-2005, 04:43 AM
العرض الشجري