الشاعر/عبدالله السالم

[حمد عبدالله المري]

السلام عليكم أشكركم على أتاحه الفرصه لي بالمشاركه في هاذا المنتدى الرايع
ومن هاذا وأعلى والله يوفقكم........هاذي قصيده الشاعر /عبدالله السالم ....المري
وأتمنا ان تحوز على أعجابكم


الصدمة

لا تكمـل السـالفـة واللـي يخليـك = شف من كبر صدمتي حارت دموعي
في خاطري شـيءٍ ... الله لا يرويـك= مدري وش اوصّفه لو كنت توعـي
مفجوع جدا .. وانا اصلا يا محـاكيك = فـي ايامـي التالية كثرت فجوعـي
أشكي لك الحيـن ولا أروح واشكيـك = ما عـدت اميز نزولي من طلوعـي
أخبـارك اخبـار وعلومـك تهاليـك = من جيتني وانت تنهش من ضلوعـي
المشكلة شنهي ؟ إنـي اغليـه واغليـك = يعنـي البلا من فروعي في فروعـي
حطيتني في الطريق الصعب يا خيـك =ما اصعب من مواصلته إلا رجوعـي
قضيت به ليلة البــــارح دواليـك = أتفنجـل المـر والذكـرى قدوعـي
وجهت وجـه الحنين لـوجهته ذيـك= ايممـه " شـرق " ويعوّد جزوعـي
ظنيت به كل ظـن وكل تشـــكيك =إلا ان غصونـي تبرا من جذوعـي
ليت الغلا ينمحـــــي كله تماتيك=أضغط على زر / محاية أصبوعـي
اقنع مـن الغيـم واصـك الشبابيـك = ويخـف في نسمة الشرقي ولوعـي
لكنّ لي منهجٍ ما هـــــو بخافيك= لي منتحاي القـديم ولـي طبوعـي
فان بان مني التعب لا تقول وشفيـك ؟ =لا اطفي على راحتيك آخر شموعـي

وسلامتكم

أخوكم /حمد المري