وصية( خالد) بعد مااصيب بمرض السرطان

[المارد الشعري]

قصيده كتبها شاعرها بعدما اصيب بمرض السرطان الله يمنعنا وياكم منه
وارسلها لصديق عمره وتوفى بعدها

اتمنى ان تنال اعجابكم
وهذه القصيده اعتبرها وصيه
المعذره اذا حصل هناك اخطاء او نقص في الوزن نقلتها لكم مثل ماوجدتها ولها مده عندي













وصيتي لك تموت فيها على شاني= ابيها تعيش وتحيا بك واظل بالذاكره مفقود
وصيتي لك تنسيها ملامح وجهي وتنساني = وتعزفها قصيدة حب غير اللي عزفته لها بالعود
وصيتي لك تبعدها عن اشعاري وقيفاني = تراها مغرمه بالحيل ويشهد لها عدد لردود
وصيتي لك تسايرها ترى فيها من احزاني = طلبتك لايضيق بالك طلبتك والطلب مردود
وصيتي لك تناديها حياتي عمري ازماني = انا عودتها دايم ادلعها وانا موجود
وصيتي لك تعاملها بطيبة قلب واحساني =تراها تذرف الدمعه ودمعتها بليا حدود
وصيتي لك تحفظها سور وأيات قرأني =وتخبرها عن الميت رحل ولايمكنه بيعود
وصيتي لك ترسمها على قبري واكفاني = ابيها لوحة(ن) تبقى على طول الزمن محدود
وصيتي لك تمازحها واشوف الضحكه باسناني = نصيتك ياضحك هالكون طلبتك لاتعيد اجحود
وصيتي لك تقهويها من ادلالي وفنجالي = تراها تعشق السمراء ويكفيها دخون العود
وصيتي لك تركبها على خيلي وعلى حصاني = وربي فارسه من قلب شهاده ماهي لشهود
وصيتي لك تسفرها بلاد الشام ولبناني = ترى يحلا لها تقطف ورده من بين الورود
وصيتي لك ترقصها على الحان رحباني = ترى فيها عرق خاله وفيها من جنون السود
وصيتي لك تحببها فابو نوره بعد هاني = وتنسيها ندم غلطه انا فيها ترى مقصود
وصيتي لك تكرهها في تاريخي وعنواني = ابيها تلعن اللحظه وتلعن كل فرح موعود
وصيتي لك تكلمها عن المجني وانا الجاني =وتخليني الظالم وانا من حرق الاخدود
وصيتي لك تشبهني بدم(ن) احمر(ن) قاني = وانا هالقاتل السفاح مجرم من عصر نمرود
وصيتي لك تحلفها تتوب تحبني ثاني = ترى يكفيها ماعانت ويكفي حيلها مهدود
وصيتي لك تنسيها وصيه قالها الساني = انا اخبرك رجل مواقف قدها وقدود
صديقي مالقيت غيرك يعرف اشلون تنساني = اماااااانه ضمها بقلبك ترى خالد رحل مايعود



وسلااااااااااااااااااااااااااااااامتكم