كلٍ يجيب الحقايق حسب منطوقه=وانا موّكل على ما جاب منطوقي
مرحوم ياشايبٍ ما يقبل العوقه=والحر ياصحابنا ما يقبل العوقي
قلت العرب ؟ قال كل الناس ملحوقه=يابوك لازم يجي المطرود ملحوقي
الطيب برقٍ اذا ما لاحت بروقه=كل القبايل لها رعّاد وبروقي
ما احدٍ على احد وكلٍ يعرف حقوقه=من غير جدٍ وعم وخال وعروقي
مير ان بعض العرب ما هي بمسبوقه=بالطيب لو تلحقه ما هو بمسبوقي
قلت النخل قال لولا ثمرة عذوقه=ما تشتريه العرب ويباع بالسوقي
خلك مع اللي ليا من جيت في سوقه=تلقاه قرمٍ شجاع وراعي حقوقي
عطني مثل ؟ والعرب بالطيب ملحوقه=قال العوازم وقال عيال مرزوقي
...........
ولا قصور بالجميع
والعرب بالطيب ملحوقه
وجمع القبائل تحلق الطيّب بطيبها
العرض الشجري