حكمتني مثل حكم الغرب في كربلا

[عبدالله الودعاني]

اهدي لكم هذه القصيده الغزليه التى شاركت بها لجل خاطرهواة قصيد الغزل عسى ان اتنال اعجاب الجميع ويحفزنا لتقديم الأفضل000 واهدي نسخة منها بشكل خاص للشاعر المعلم| ضيدان بن منصور آمل من الاخوان الكرام إيصالها له إذا أمكن ولكم الود والورد

حيا الله ارسالتـك يازيـن واهـلآً هـلا=وتسلم يدٍ سجلتهـا وارسلتهـا وجـات

اشكرك لطفـك بحـال العاشـق المبتـلا=واشكرك حسن اختيـارك نادرالمفـردات

هـذا كـلام الـوداد العـذب ولا فــلا=يحتاج بين الحبايب عشـق ومراسـلات

لاتحسب ان صاحبك يازيـن منـك سـلا=لا والـذي نـزل الفرقـان والعـاديـات

يازين حبك على وصف اللسـان اعتـلا=تجاوز المستحيل وصار من المعجـزات

لو تبغي اعلن غرامي فيك عنـد المـلا=قلته ولاهمنـي ماقـال راعـى الشمـات

حكمتني مثل حكم الغـرب فـي كربـلا=الإختلاف الوحيد ان مـا معـك طايـرات

غزيتنـي بالتغنـج والـدلـع والـحـلا=ونظرة عيـون لعشـاق البهـا فاتنـات

لاغبت عنـي ثـلاث ايـام جانـي بـلا=وعيني من الشوق ماتهنا بحلو المبـات

اعيش بين البشر والفكر بـأرض خـلا=يصيب فكري على غيبتك عنـي شتـات

وان جا اتصالك يشالينـي ولابـه شـلا=شلاي فـي شوفتـك ياسيـد المترفـات

لاشفتك انزاح من القلب العنـا وانجـلا=ونسيت كل العذاب وقلـت مافـات مـات

لجل انك تساهل العشـق النقـي والغـلا=وتستاهل احلى القصايد واكبر التضحيات

عالي ولا تعشق إلا مـن يعشـق العـلا=للاش ما ارخصت نفسك مثل بعض البنات

لك مني الـود وعهـود الوفـى والـولا=يانهر دجله عطاك العهـد نهـر الفـرات

الشاعر | عبدالله بن مرضي فهيد الودعاني