التغالب بالدواسر بس خمسه ....!

[الجساس التغلبي]

هذه القصيدة قلتها في ذكر أقسام بني تغلب من الدواسر الذين هم ( الحقبان + المصارير+المشاوية+العمور+الخييلات)

أستعين بذكر ربي واحدٍ فردٍ صمد=وذكر ربي في البداية مالنا عنه ميول
هجمة احساس المشاعر أدركتني يا ولد=أدركتني يا النشاما وحـرَّمة غصبٍ أقول
قلتنا : " أمرس ينفّذ والمشاعر تستعد "=تستعد بخط بيتٍ في صعود و في نزول
شفت قيفان اعجبتني قصة بأصل وسند = قصةٍ من هو سمعها شد عقله في ذهول
قصةً " للزير سالم " يوم سادوا بالبلد = قصته يوم المعارك بالرماح و بالخيول
لا بتي يا لاد تغلب عزوتي يا من نشد=أنشد التاريخ يذكر قبل بعثٍ للرسول
لا بتي يا لاد تغلب عزوتي وقت الجهد=لابتي محدٍ قواها يوم قرعات الطبول
الخصم لا من ذكرنا و الله ان عظمه برد=يرتجف قلبه و خايف صار وضعه في جفول
تغلبي معروف جدي و جاك حدي بالبلد = جدنا " عـمـرو " وساكن بالعرب عرضٍ وطول
و التغالب بس خمسه وافياتٍ بالعدد = الحبيبي و العياضي و الخييلي يا الفحول
و المشاوي و العمور تـمَّت و ربي شهد = "أن تغلب بالدواسر خمسةٍ ماهي تعول"
علمنا معروف وقعه دون نقصٍ عند أحد = علمنا وسط الرواية ثابتٍ وسط النقول
من نوا يبطش و يفتك يبشر بهم و نكد = تذرف الدمع العذاري فوق قبره كالسيول
و عقب توحيد الجزيرة كلنا شعب و بلد = شعب واحد راي واحد نلطم العادي الجهول
يا وطنا .. يا وطنا .. لا يهمك أي أحد = دام راسي فوق كتفي مستحيل أنك تزول
هجمة احساس المشاعر أدركتني يا ولد = ( أدركتني يــا التــغــالب و حرَّمة غصبٍ أقول )