قالها محمد بن فهد ابن شلحاط في اباؤه الفهود الامير فهد بن عبدالله الدامر وابيه
قـــم يا ياقصــــيدي على كور الفرنجيــــة
من مبتـكر عصـرنا هـذا مـصانعـــــــــها
مصنوعة(ن)للخطـــــوط الغير ارضيـــة
طيــــارة(ن)للســما صـنعة مكــاينــــــها
تحمـــــل على متنها رحــــــلات جـــويـــة
تشــرق مشـارـيق شمـس في مغاربـــــها
حجــــزت لك تذكرة روحــــــه بلا جيـــــة
صـــوب الديــار الغـريب اللي يـوطنــــــها
اركب مع اخطوط رحلات(ن) اسعودية
تـرســي مـدرج اجنيـف اول مهــابطـــــها
واليــــا نزلت لايغرك زيــــــن غربــــــية
شــقرا الاجـانب تــفـنـن فـــي ملابســــها
وانا بخيصــــك فالافكــــار الهواويـــــــة
تاصل اعروقك في وصف الزين اذابلـها
لا تــلـتهي يـاقصــيـدي بالـمـسـيـحـيـــــة
خل الركــــايب تـــوذا مــن مـبـاركـــــها
اركـب ركــوب(ن)يــخـلي بنت العبيـــة
تكــسب نهــار(ن)اتقسوربه عجايجــها
انصــا ارجال(ن)عـلى جودة حـمـاويــة
انصـــا ارجـــــال(ن)تعلا من مكارمـها
مع شيخ قوم(ن)الى من قامت الـهيــة
قــوم ارجـــــال(ن)توارا من يواجهــها
اوصــل لبونا فـــــــهد هو راعي الفيــــة
لاجـات شمــس(ن)تزايد في لـهايبـــها
وقـف وقــوف(ن)الــى جيته وثم حيـــة
تحيــة(ن)تخضــع الجبهه مدافعــــــها
وصل سلامــــــــي معا نسمات جوديـــــة
اعـــداد ماسجت الحـــــــمرا مسايلــــها
عقبـــــــــه توجه بالابيــــــــات النداويــة
للــــي يداري عيــــــوني مــن مدامعـها
الــــــوالد اللــي يوصينــــي من الســــية
اللــــــــــــــه رزقني من الدنيا محاسنها
علمني حــزة صلاتـــــــي اخلـص النيـــة
علمني حــــــــــزة دروسي كيف اذاكرها
علمني عند الرفاقـــــة وش هي احميـــة
حتـــا المجالــس يعلمني مـهارجـــــــها
البارحــــه الليــــــــــــل وعيوني شقاوية
ابطــت توجد عليـــــه من مجارحــــــها
واختامـــــها يامتـــا علــى اللـــــه الجية
تفرح بكم ديرت(ن)تنشد بلابلـــــــــها
al7bnnti82@hotmail.com 
26-04-2006, 03:39 AM
من جودة الى جنيف
العرض الشجري