صالات المطار........... للمبدع الشاعر/فهد المساعد

[بـــنـــت الــقــصـــيـــم]

قبل أسافر كنت جالس في زمـان الأنتظـار =ارتشف هم المكـان وكـل همـي حاجتيـن
كنت خايف من يباس..وكنت خايف من خضار=كنت أخاف انك تجين..وكنت خايف ماتجيـن
لين شفتك من ورى بيبان (صالات المطـار) =مقبله من كثر شوقك كنت أشوفـك تركضيـن
مرة(ن) ركضك يمين ونظرة عيونـك يسـار =ومرة(ن) ركضك يسار ونظرة عيونك يميـن
تايهه ماكنك الا ضحكـة(ن) وسـط إنكسـار =ساكتـه ماكنـك الا دمعة(ن)فيـهـا حنـيـن
خايفه..وجله..حزينه...يعني كنتي بأختصـار =تشرحين لكل عاشق معنـى كلمـة عاشقيـن
بعدها جيتـك ولـدت عينـك ودار الحـوار =من كفوفي دمعتين..ومـن كفوفـك دمعتيـن
كنت أصد وكنتي أنتي ثايـره مثـل الشـرار =(ماعلى لتغة لسانك غير كلمة) ويـن؟ ويـن؟
وأذكر إني رحت قبل أبديلـك أيـة إعتـذار =رحت حتى قبل أطيب خاطرك فـي كلمتيـن
لكن أنتي عارفتني زين وإللي صـار صـار =سامحيني وأذكريني..قـد مـا أنتـي تقدريـن
أذكريني لانتهت للشمس رحلـه مـع نهـار =وأذكريني لاصحـى لصبـح ورد الياسميـن
وأذكريني لا لمحتي في ليالـي البـرد نـار =وأذكريني لاسمعتي للمطر صوت(ن) حزيـن
وأذكريني وأذكرينـي وأذكريني..باختصـار =أذكري (فهد المساعد) قد مـا أنتـي تقدريـن