االغــــــــــــــــــــــــــــــــــيب
الغيب ما احدن يعرف الغيب وش فيه= مير الليالي تكشف الغيب غيبه
ما تجهله في بادي الامر تبديه=لك سودها لو توخر تجيبه
والسر لو عن مسمعك حجب توحيه=ياكل صدور الناس حتى تحكيبه
ما فيه سر(ن) مات من موت راعيه=ولا فيه عبد الا وربي رقيبه
واللي كتب للعبد ماهوب يخطيه=لو يتقي سهوم المنايا تصيبه
ومن صابه عضال المرض ما يسليه=بسمة طبيب ولا سوالف حبيبة
والموت ما له رادع ولا يداويه=علم(ن) حديث ولا حذاقة طبيبه
ومن لا تهابه عامة الناس تذيه =يمطع به النايد ويرغب قريبه
ومن سل سيف الحزم كل(ن) يهاديه=احد(ن) يوده ود واحد(ن) غصيبه
وترك السفيه من العقل لا تماديه=امجادله سفه(ن) ويعيي طليبه
وراع الردا لو داني(ن) لا تدانيه=لو هو قريب الجد يمك يجيبه
وراع النميمة لا حكى اياك توحيه=واياك تاخذ علمه وتشتقيبه
هماز لماز عسى قطع طاريه=راع النميمة يقطع الله صيبه
ولا تبرز ثالث ثلاثة تناجيه=منجاة رجل(ن) دون الاخر تريبه
لؤمن وعيب قدم عينه تخاليه=في حق ثالثكم قبيح(ن) وغيبه
وراع الجمايل بالجفا لا تجازيه=ما جاك غير الطيب فيك يهقيبه
خلك على امله فيك لا جاك ترضيه=لو بت جايع مثل ذيب الجذيبة
والحر عبد(ن) بالمعاريف تشريه=والنذل يعديبك ولا انت تعديبه
والضيف يشكر لا لقا اللي يحيه=ولا طاح في بخيل الهجا من نصيبه
والرجل ما يضحك برجل(ن) يخاويه=ولا يفعل الافعل(ن) يزيد طيبه
ولا كل رجل(ن) لا بغا الدرب يباريه=يختار لا منه بغا الدرب ذيبه
رجل(ن) على كل المعاني يساويه=فالهينة ويلقاه وقت الصعيبة
ماهوب همرور(ن) مع الدرب يغثيه=ما يفيد خير ويجلب اله المصيبه
مع تحيات اخوكم براك بن ماجد العاكور البقمي
07-05-2006, 01:48 PM
العرض الشجري