يامحمد خطك عرفنا مايكنه من غلافه

[حزام الماضي]

عد من صلى ببيـت الله ولبـى بـه وطافـه=
وعد من زار المشاعر با اشهر الحج الفضيله
مرحبـا ترحيبـة باقـرار قلبـي واعترافـه=
الجوارح شاهـده والمنطـق الصـادق دليلـه
بالكتاب اللي سمح لسيـول فكـري بانجرافـه=
وانا في رجوى الفكر يسقي ضمايا القاف سيله
ما اتنومس لين اشوفه من ضفافه لا ضفافـه=
جالب معـه المعانـي النـادرات المستحيلـه
لادقل تزهر غصون الشعر وايـروى جفافـه=
وتكتب ارزاق السمان وتقطع ارزاق الهزيلـه
يامحمد خطـك عرفنـا مايكنـه مـن غلافـه=
والمجرب مثل ما قالـوا يجـي قلبـه دليلـه
قبلك عيون المها قد عذبت راعـي الرصافـه=
شافها بين الرصافه والجسـر وانهـد حيلـه
ومايغـرك قصـة تشبـه لاساطيـر الخرافـه=
قصدي اللي في طرفها ليلـه ومجنـون ليلـه
وقبلكم كم مـن فـواد قـرر الحـب اكتنافـه=
وكم نفوس بيـن مطرقتـه وسندانـه قتيلـه
وابرك الحزات لاقالـوا علـي بكـرة زفافـه=
الله لايقطع رجـا خـل يبـي جمعـا خليلـه
وحن تحت امرك ولو دربك يطول ابنا مطافـه=
حاضرين بكل ما جمـل عميـل مـن عميلـه
بالوجه والجاه والوقفه وبا امـوال الصرافـه=
ما نخلي من مداخيـل الرجـال ايـة وسيلـه
مـا هـو بهـرج تكبـره البلاغـه والثقافـه=
غير علم صامل يسـري بـه السـراي ليلـه
قلتها عـن لابـة تعسـف معاديهـا عسافـه=
في نهار غط قرص الشمـس دخـان الفتيلـه
كم حريـب دون حـدان الحمـا داروا كتافـه=
واحرموه النوم في ممسـاه والا فـي مقيلـه
يكفي انهم يوم خمت راعـي الفيـل اللقافـه=
وقفوا دون الحـرم بمواجـه الاشـرم وفيلـه
أي نعم ((شهران))بحر يعجز الخصم اغترافه=
يا حليل اللي يبـي يطـرح علمهـم ياحليلـه
خذ كلام الشاعر اللي ماخذا الشعـر استلافـه=
وارثـه مـن شايـب سلـم مقاليـده سليلـه
ماهو بشاعر ثلاث ارباعه اعـلام وصحافـه=
كن شعره من سواليف الف ليله والـف ليلـه
والسلام اللي فراشه مسـك والعنبـر لحافـه=
لـك وللوالـد ولاخوانـك ولافـراد القبيلـه

صهيل المعاني