يافرح امك جابت اليوم رجال...

[فهد بن جلال]

مثلك بـلا مبـدأ بفعلـه وقولـه
لا وازع ٍ دينـي ولا عِـرف عِقـال

رجال لكن منت حـول الرجولـه
حرام مثلك يلبـس شمـاغ وعقـال

بس البلا إنك من سلايل حمولـه
مثلتها بالشيـن مـن قـول وافعـال

حلم العصافير الصغيـره وزولـه
زول البغال اللي لهـا قيـد وحبـال

مثلـك عرفنـا مبتغـاه وميولـه
. شكواي لله فـي ضعيفيـن الآمـال

قهري على مثلك صعيب ٍ وصوله
قومي هل الطولات أجاويد وابطـال

لي في بحور الشعر صوله وجوله
مثلي غدت بالشعر مضرب للأمثـال

أكتب قصيد ٍ عذب واعرف اصوله
رطباً طريـاً يانعـاً يشـرح البـال

مدهش ومنعش ينعش اللي يقولـه
سهلا ً بسيطا ً صافيـا ً كنـه إزلال

وأنته قصيدك ما نهض من خموله
مير الصحافه دورهـا حيـل فعّـال

ماني من اللي تنهـزم بالسهولـه
اقوى من الصخرات وأقسى من جبال

وإذا على بنت إنتصارك بطولـه
يا فرحة أمك جابـت اليـوم رجّـال