البارحه غيمـة همـوم وهواجيـس
في دار فكري عند سـرد القصيـده
أدعو بربـي وأتعـوذ مـن إبليـس
ومن شر حاسد لـى تنـوى مكيـده
ومن ميلة الدنيـا وكثـر الوسايـس
ومن بورة الخـوه وحـزن الفقيـده
أجذب ونيني من حنيـن المعابيـس
فالعـد ظامـي والقوافـل بعـيـده
فأشعلت من ظلما حياتـي فوانيـس
والله يفعـل كـل أمـرن يـريـده
وتذعذعت عقب المسافـه نسانيـس
إتذكـر العاشـق بريمـن طـريـده
حب النقا يبقـى نقـا دون تدنيـس
يبقـى كـذا يعنـي كـذا بستعيـده
حبر القلم من فوق بيض القراطيـس
ترجم غلاهـا ثـم تنحـر قصيـده
فأجمل قصيده من قصيد إمرؤ القيس
لأجمل غزالن بالوصـوف الفريـده
اللي جمالـه قـد تعـدى المقاييـس
فتنة نظـر يبـو العـزوم الشديـده
سود العيون اللي هدبهـا نواعيـس
لأسلهمت طـاح الحصـان وعقيـده
الرمش الايمن من حضارات بلقيس
والرمش الايسر سحر بابـل يعيـده
ضيء الخدود اللي حوت نور تغليس
نور الصبـاح اللـي تقفـأه عيـده
لاطبـت الميـدان تملـك لحاسيـس
مهرة حسن والحسن يسبـي عبيـده
إن أقبلـت قفـت حيـاة المتاعيـس
وإن دبرت ويـن الحيـاه السعيـده
العرض الشجري