(مــــن عـــــادة الـدنــيــا )
من عادة الدنيا تخيب من هقا بالوقـت خيـر
الله يكافينـا متاهـات الــدروب الهافـيـه
يا دنيتي مال المصالح فـي مودتنـا خشيـر
ما دامت قلوب البشر وسط الدروب السافيـه
دام الهواوي يستلذ اليا سمع صـوت النذيـر
فالنفس اماره بسـوء (ن) للبشـر ومنافيـه
ومن عادتي ما لد عيني للزمن وقت المسيـر
لكن بعدك يا المـوادع مـا يجيـب العافيـه
لا زادت حمول الزمن كثرت سكاكين البعيـر
اللي على الهقوات يمشي فالـدروب الوافيـه
يسريبي الهاجس واهيم بكل وادي واستثيـر
عذب المشاعر يا الموادع للقلـوب الجافيـه
لا ذعذع الغربي علي وهاضت جروحي عصير
تبطي جروحي بالوجع مـا تلتئـم متشافيـه
انا بشر لانـي غنـي الا بعـد لانـي فقيـر
غنـي بالمعنـى فقيـر ورحمـة الله كافيـه
ماعاد لي عقب الموده غير تجبيـر الكسيـر
قلبـن تولتـه الليالـي بالقضـا مستافيـه
وسلامتكم
حمود بن فطيس
28-06-2006, 05:16 PM
العرض الشجري