اول قصيده ( صـوتـيـه ) / ( الرساله )

[سعود بن مهدي]

مبارك عليكم مابقى من الشهر

حبيت اصافحكم بأول قصيده صوتيه ...... ولا تبخلون علي بتعليقاتكم و ونقدكم
وارجوا ان تحوز على إرضاء ذائقتكم .

تحميل
____________

اضحك واداري عباد الله واجاملها = والله على نعمة الكتمان قاردني


دورت بالخلق ؟ ضايعها وعاقلها = ولا لقيت اللي لامن تهت يرشدني


حتى اللي ! بديته امن الناس بأكملها = راح وغدربي ؟ ولاكنه معاهدني


مافيه احد يحفظ العشره ويبجلها ؟ = هذي الحقيقه .. وشكي مايراودني


ان مت .. كل ٍ نسى ذكراي واهملها = وان رحت .. محدٍ من العالم بفاقدني


عزاااااه ,, يا ( ضيقة ٍ ) بالصدر شايلها = وين اللي يبكي علي .. وان طحت يسندني


لاجيت أقرب لخلاني و أواصلها ! = لقيت حتى ( طريق القرب ) .. يبعدني ؟


ياللي جروحك .. عرفت شلون اعاملها = انا تعودت .. لاداعي تعودني


يا أول سنيني .. و آخرها .. ويا أجملها = الله معاك ومعي ؟ .. وأبيك توعدني !!


لاجات ذكراي في بالك ؟ .. تأملها = شف وش كثر كنت ! .. بالتعذيب تجهدني


ليتك مثل ماتخيلها ,, تخيلها = وتعرف الأحزان ! .. ياللي كنت ! مسعدني


اليوم ؟ .. سلم على (( الصوره )) وقابلها = ماعاد فيني شعور ٍ .. لك يجودني


والله .. مدري انا من وين احصلها ؟ = من ظيم الايام ؟ .. أو .. حظ ٍ معاندني؟


جتك ( الـرسـالـه ) .. وانا ماكنت برسلها ! = لكن ؟ .. هذي علومي يوم تنشدني

______ وسلامتكم _____

__________________

صعبه على القلب ,, يتـعـٌـود غيابك = واصعب عليه ؟ .. أنـه يتـعـٌـود حضورك