عجزت من تصحيح غلطات غيري = والنفعه اللي من وراها مضـّرات
آمنت بك ياعالم ٍ عن مصيري = ياخالق الدنيا ومعطي العطيات
حسناك من دالوب وقت ٍ عسيري = لادار دالوبه وللوقت دورات
يرجاك من همـّـه بقلبه يحيري = مما جراله يضرب الكف حسرات
مدري علام السير ماعاد سيري = وارضي مهي بأرضي ولاذي السماوات
حتى العشير اليوم ماذا عشيري = وماذي طبوعه لي ولاذي بهقوات
ومجهر سناي اليوم دوبه ينيري = كنه عقب شمس الضحا 0 نور نجمات
دار الفلك شر ٍ بعد كان خيري = الخير روّح واقبل الشر جيات
غديت اسير وطلق ماني بأسيري = مريب هقوة والهقاوي صحيحات
عيني بصيره وآتخطـّــا ضريري = وفيني سكون الليل وارياح صلفات
أمشي على اليمّة وانا مستديري = ومتخالف ٍ بين الظواهر خفيّات
وفيني من الاحزان شي ٍ كثيري = الصبح محزن والليالي حزينات
لي قصة ٍ لو يستمعها الغريري = يصد منها توّها بالبدايات
ينـّـس وجعها وهو غرير ٍ صغيري = وش حال باكبار العقول المنيبات
انا الذي شفت الغدر من قصيري = أمنـّـت به ظهر ٍ كلا خمس طعنات
كنه عدو ٍ بالمضره نطيري = وماكن للجيره مواقف وحزّات
اقفى وانا بالجرح وضعي خطيري = والموت بانت من مزاياه غرّات
وسّـدته الديباج عقب الحصيري= لاشك جازا قصرة الطيب سيّات
لاعاد يدريبي ولا يستشيري = ولاحط لي بالشان لو بس ذرّات
كتمت همي والعنا في ضميري = ولهّـيت رجلي والعباير كسيرات
لاكن لي الله دام هذا مصيري = والله يسامح من جزا الزين شينات
وسلامتكم
الشاعر / سعود ارتيبان الجويّر
العرض الشجري