اتصل بنا البحث up a3ln usercp home
 


العودة   ::. مـنتدى قبيلـة العجمـان .:: > الـمنتديات الادبيــــــة > :: مـنتدى الـشعر العــام ::

 
 
أدوات الموضوع انواع عرض الموضوع
  #1  
قديم 28-10-2006, 03:43 AM
الــحـشـاشـــه الــحـشـاشـــه غير متواجد حالياً
 عضو فعال
 
تاريخ التسجيل: Sep 2006
المشاركات: 1,792
من روائــع الشاعــر: ســعود بن مــهدي

حبيت انقل لكم سالفه وقصيده على لسان الشاعر سعود بن مهدي يعني تخيلوه هو اللي يقولها لكم

استلمو




هذي قصيده تشرح نفسها ومختصرها ان اخوي محمد وعمره 14 سنه كان الايام اللي فاتت

مهتم بالقصيد ويقولي قصيدتك هذي حلوه ويناقشني وكان لما يشوفني متضايق يسألني وش مضيق صدرك . فكنت اضحك واقول ولاشي بس شعندك اشوفك مهتم بالشعر

قال : انا مرات اكتب وكذا محاولات قلت : لا لا مو معقوله المهم قلت سمعني وراح وهو منحرج يجيب اوراقه مدري وين يخشهم ويوم شفتها الا الصبي عاشق ومدهر بالغزل

قلت : والله طلعت تحب ياولد وتقصد وتخشخش اوراقك من ورانا الوكاد بعد الموقف هذا

هيض حمود قريحتي وقلت القصيده هذي ........


يـــقـــول :


_____________






حـمـود لاتنـبـش خـفـايـا ســـدودي
واسمـع كــلام اخـيـك ! .. ياحـمـودي
لاعـــاد تنـشـدنـي وش مغـيـرنـي ؟
خـلـهـا عـلــى الله والله المـعـبـودي
شـاعــر واتـلـمـذ بالـشـعـر وادرس
وان لاحـت بـروقـي تـحـن رعــودي
بالأمسيـه لاجـيـت ! .. اجــي اقـصـد
ماجـيـت افـتٌـل بالقصـيـد عـضـودي
اثـرك شويعـر وانـا مـدري عـنـك ؟
وتخـشـش اوراقــك وفـيـه شـهـودي
خـل الغـزل منـك .. تــراك صغُـيـر
وكــب الـقـراده مـنـك يالـمـقـرودي
ماكنـت ادانــي الـحـب ولا اصحـابـه
واجـنٌـب علـومـي عــن المـنـقـودي
الين !! .. جـات اللـي لعبـت فـي حالـي
وخلتـنـي انـسـى قسـوتـي وعـهـودي
حبيتـهـا .. جـعـل امـهــا بالـجـنـه
جابـت ( بـزر ) علـى الدلـع مـولـودي
مـالـوم قلـبـي .. لــو تعـلـق فيـهـا
يامـا احترقـت فــي هـواهـا كـبـودي
حتـى !! المتـزوج ! .. لامـرت جنـبـه
ينـدب علـى حـظـه بــلا مقـصـودي
عـوبـا ,, ولكنـهـا ؟ عـلـى نيـتـهـا
والـلـي مــزود طيشـهـا .. مــردودي
عيوبـهـا لاجبتـهـا .. فـــي كـفــه
تطـمـس مـزايـا غيـرهـا وتـــزودي
لامــن لثـمـت ايديـنـهـا استـنـشـق
نفـحـه فرنـسـاوي عـلــى كـبــودي
ولاتخالـطـت .. انفاسـهـا بأنـفـاسـي ؟
كـن النسـايـم مــن هـبـوب الـنـودي
فديـت كشرتهـا لا قالـت : مـابـي !!
زعلانـه انـا عليـك يـا (( سعٌـودي ))
تقول : يـا ( سوسـو ) لـك انـا ,, ديانـا
واقـول : يـا ( نونـو ) انـا لـك ,, دودي
( طلقة حجاج ) و ( شاعـره ) و ( تهٌبـل )
وش عاد ابي في الغيد ؟؟ .. عقب ( ورودي )
تعكـس ! @ ثقافتهـا @ فـي قصيدتـهـا
وتظهـر ! & انوثتهـا & .. بفـك قـيـودي
لاجـت تسمٌعنـي ! .. تـقـول : شـرايـك
واقـول : روووعـه .. يارهيـف العـودي
وان جيـت اعـدل .. شطـر ولا كلـمـه ؟
قالـت : ابيهـا تكـون مـن مجـهـودي
( بالمختلـف ) لـو تنشـر اللـي تكتـب ؟
حلـل قصايدهـا ! .. ( علـي المسعـودي )
لامـن دعتـنـي ولانـويـت .. اجيـهـا ؟
امرهـا .. ((( كويتـي وأرد سـعـودي )))
قـاع ٍ ؟ عليهـا ( الـذود ) ماهـي تفلـي ؟
مانـي معـشـي فــي حمـاهـا ( ذودي )
يازينهـااا زيـنـاااه ,, لـكـن ! راحــت
عسـى العـوض فـي يومـي المـوعـودي
فـأن طعتنـي .. خـل الشعـر يـا محمـد
وكـب الغـزل والـحـب .. يالمـقـرودي
لـو كـل مـن يرمـي ! يسمـى رامـي ؟
مافـاخـت البـنـدق عــن الـبــارودي
ماتشوفنـي ذا الحيـن ! .. صـرت معـقـد
هـذا .. الهـوى والـحـب ؟.. ياحـمـودي



___________________



وسلامتكم


منــقولــه


تقبلووو تحــيااتي

رد مع اقتباس
 


تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 06:43 AM.


Powered by vBulletin® Version 3.8.0, Copyright ©2000 - 2026, Jelsoft Enterprises Ltd. TranZ By Almuhajir
Design And Develop By DevelopWay

تصميم : طريق التطوير
لحلول الإنترنت والتصميم DevelopWay.com