ابكي هلي يا ناس مانيب مليوم = وأظن من يبكي هله ما يلامي:قصيدة مسعودعبد الشيخ ابن هذال

[ابوحمد الشامري]

كان لشيخ الفارس المعروف مشعان بن هذال شيخ عنزه عبد يسمى ( مسعود ) نزح الشيخ ابن هذال مع قبيلته كعادت القبائل بحث عن الربيع والمراتع فذهب ( مسعود ) عبد ابن هذال مع عنزه من عد ماء يسمى (الحناكيه ) حيث ترك ( مسعود ) اهله عند هذا العدالمسمى بـ ( الحناكيه ) فهاج به الشوق لاهله بعد أبتعاده عنهم فقال هذه القصيده :

يامى خلان الرخاء عدهم قوم = خلانٍ من دامت نعيمه ودامي
لا تشتحن يا واحد بت مهموم= ترا الفرج عند اكتراب الحزامي
أمس الضحى عديت في راس مزموم = رجمٍ علا كل المراقبيب وزامي
ماكر حرارٍ ما يركن به البوم = كود العقاب الصيرمي والقطامي
يا هيه يا مترحلين على كوم = خفايفٍ ما فوقها الا الولامي
الى لفيتوا أصحابٍ من قوم = علم ترى حمض الرجال العلامي
ابكي هلي يا ناس مانيب مليوم = وأظن من يبكي هله ما يلامي
ماهو غلا غروٍ من الدق ماشوم = على شيوخٍ متيهين الجهامي
من طاوع الثنتين يصبر على اللوم = ويصبر على فرقا الاهل والعمامي
اتلا العهد شدوا من العد ابو دوم = مستجنبين امثورات العسامي
هذا مشب النار والحفر مثلوم = ومركا الدلال المتعبات الشوامي
وهاذي مرابط خيلهم دايم الدوم = حقب العيون مروبعات الهوامي
يركب عليهن باللقا كل شغموم = من ربعي اللي ما وطوا بالملامي
راحوا كما طير قلب راسه الحوم = هيفيةٍ ما يندرى وين حامي
ادنا منازلهم شثاثا وملموم = واقصى منازلهم ودي النعامي

عندما سمع الشيخ ابن هذال هاذي الابيات وخاصة البيت اللي يقول فيه عبده مسعود:

راحوا كما طير قلب راسه الحوم = هيفيةٍ ما يندرى وين حامي

انا اللي يقلب راسي الحوم رح لربعك الله لا يردك انا لا شديت انا وربعي كل العرب يعرفون بشديدي يا العبد.
فقام الشيخ ابن هذال ورق لعبده مسعود بعد سماع هذه الابيات واذن له برجوعه الى أهله.

تحياتي للجميع