انت ياللي دوب ذعذع لك النسنـاس كـوس= وتشتري وتبيع مابين روم وبين فرس
ولا انا معـاد تشعفنـي علـوم العسـوس=فى زمان شرس وانا بعد قاسي وشرس
ماعشقت مـن الغناديـر كـود العيطمـوس=ترفة الاقدام وعيونها الثنتين خـــــرس
وثرهـا طليقـة العـام والليلـه عـروس=كل مادارت سنه لبسوها ثوب عــــــــرس
هيه ياللـي ماتعلمـت مـن وقتـك دروس=خذ علوم اللى خذا الوقت كله درس درس
لا تظلي طـول الايـام راس تحـت مـوس= اجتلد وقطف ثمر وغرس المعروف غـرس
ما يشيل الضرس ياكـود قـلاع الضـروس= ون قلع لك ضرس واحد قلعها ضرس ضرس
لانثنى عزم المساكيـن وضعـاف النفـوس= استـعـن بالله يـاراسـي الاقــدام وارس
مثل ما قالو هل العرف دوس الـراي دوس= انحت اسمك نحت ماهوب حبر فوق طـرس
ايه ياللـي ماتعلمـت مـن وقتـك ادروس= خذ علوم اللي خذا الوقـت كلـه درس درس
الشاعر.... سلطان الهاجري
03-01-2007, 09:19 PM
العرض الشجري