السلام عليكم

[طلال بن قطام]

أمطرت غر القصايد عقب طول الجفاف
وأستهلّت من مزون الشعر سود الغنوف
ضرب وابلها على الخبت طعنات الرهاف
في نحور اللي يحبون تقبيل السيوف
من جلال البدع طرقي محاديبٍ صخاف
ضربها تحت الحناجر ومن فوق الكتوف
شاعرٍ في سجّتي يعتريني ألف قاف
وأنتقي بين الدرر لين تصبح لي حروف
فوق ثلثين البشر ماهنا أي اختلاف
بس لي خطّي وسيري وقلع اللي يحوف
دام راسي في السما والمخايل في رعاف
يا نجوم الشعرلأجعل لها بعدي خسوف
تو ولّع عودها وأسرج ظهور الخفاف
ماردٍ لاجابها بكر ما ترجع نصوف
تستبيح أغلى الهواجس وهي فيها شعاف
لأنتوت ماهيب تطري علي حسب الظروف
يا عيون الشعر مانكتب بيوتٍ عجاف
حرب ولاّ روضةٍ من رياضك يا الهنوف
تأخذ القمرا على مصحفك فرض الطواف
من يدين الثلج لاصابع البلّور طوف
تشبهين الريح مدري يشابهك العفاف
لو مسحتي في يمينك على الأعمى يشوف
برد يدّك سلسبيلي وأسوق الأعتراف
ما بعد أطلقت حكمي على لمس الكفوف
من تعزّالك تعلّمت معنى الإلتفاف
يوم يا تي له على خصرك أطلال ووقوف
وبين حجّانك ترابط غريب إلاّ إئتلاف
الهلال بطوله انشق يا الله إن تروف
ريقك الشهد اليماني اومن دونه ضفاف
جنةٍ ترخي عناقيدها حمر القطوف
خمرت عيونك روقها مماتٍ ما يعاف
لمعة الماسه على مخمله فوق الوصوف
ما يبين لي حورها على طول الوقاف
حتى يسجد ناعم الريش في خشيه وخوف
شعرك اللي حمرته من شقاره ما تشاف
لين برد النود تسعى لتفريق الصفوف
كل خصلة عطر منّه بجنّاتٍ لفاف
كل نفحه من أصيله ضحاياها ألوف
بك مرونه مطلقه بك قساوة وانحراف
لاتعديت الخصر نازلٍ صوب الردوف
ملمسك قطني حريري ومن فوقه يضاف
فاخر الديباج من موطنه مابه إعطوف
تاخذين أكثر طبايعك من قمّة مناف
في شموخ اللي يعرضون من بين الدفوف
وإن مشت تركع لها الأرض ضلعان وطفاف
حولها خشوفٍ من الريم ما تحسب خشوف
وانتثر عقد الفتن فيه مشيه وانعطاف
وانتحاء الشلاّل من راس نوف لراس نوف
وابتدا حفلك لحالك وحفل الغيد زاف
واصبحن مثل الورق في مهبّات الشعوف
وانكشف لي حب رمّان خاتمك انكشاف
وانحدر سيل الموسيقى مقامات و رفوف
في مصاف البيض لاوالله إلاّ في مصاف
حور عدنٍ تكسف الشمس لابانن كسوف
تلتصق فيك النفوس العزيزة والضعاف
ديمةٍ يرقب مطرها مساكينٍ ضعوف
يوم رحنا نختفي عن جواسيس الزفاف
اللجوء لبعضنا صار ما عنّه عزوف
والله إن فل البساتين من صدرك يخاف
ووالله إن كن المنايا على عينك ضيوف



وسلامتكم : للشاعر مهدي بن علي بن قطام العرجاني