أهدي لكم الموت ياأعضاء

[موج الأحزان]

أبكو معي ياناسي وأبكو بقوي..

لجل الذي لو راح بالدمع راوي..

السلام عليكم,,,
ماراح أطول عليكم وأسمحولي على العنوان..
وأبي كل من بغى يقرأ القصيدة أبيه يعيش الأحساس اللي بالقصيده

ياويل قلبي ياعرب ويش أسوي..

لا من طرالي ذالخيال الشقاوي..

يالله ترحمني من الشيب توي..

شفته في راسي من هموم البلاوي..

ترى السبب خوفي على اللي في جوي..

لاقالوا إن الموت لفلان ناوي..

قمت أتخيل ثم دموعي تدوي..

من فوق خدي كن دموعي سقاوي..

ياويل قلبي لو سرى وسط نوي..

وشفته على بعض القريبين ضاوي..

ياليت يوصلني ولو كان ضوي..

من قبل مايظهر نحيب النساوي..

الموت وارد وأدري إنه مسوي..

في كل نفسٍ ثم عليها نعاوي..

من حر شيٍ بالضلوع أيتلوي..

من سبة أفراقٍ علينا يخاوي..

أبكو معي ياناسي وأبكو بقوي..

لجل الذي لو راح بالدمع راوي..

نبغي نعود ذالعيون ونطوي..

من كل صفحه ماعليها رجاوي..

أدعي كريمن بالنهايه يضوي..

كل الدروب المهلكه يامخاوي..

وأدعيه يرحم من قلوبٍ تزوي..

وسط الضلوع اللي غدت كالعراوي..

ياويل قلبي ياعرب ويش أسوي..

لا من طرالي بالخيال الشقاوي..