يامرحبا الفين بالطارش اللي

[فارس نجد والحجاز]

يامرحبا الفين بالطارش اللي
جانا ومعاه اخبار لي عن بعض ناس
امي وابوي وربعي وصاحب لي
جويــــهل شبــــهته بفلــــو الافراس
ياراكب من عند ديرة هوى اللي
له ونة لافراقـها من خـــوى الراس
نفسي عن علوم الحفر ماتملي
هو ديــرة اللي له به جذور وساس
يالله عسى برق تلا ما يهلي
تضوي له الضلعان بفجورالاغلاس
تسقي صفاةلك عليهانصلي
لاجرهــدت يفــرح بها كل عساس
لاشاف هاك اللي خضاره مسلي
اللي تقـــل مغروس بيدغــــــراس
ترعى البهم واحمارها مستفلي
من عقب ماصفق لها بكف الافلاس
سقا الله ديار بهازول خلي
اللي غلاها من غلا عذب الانفاس
ماشفت يوم اقبل لنامستهلي
يومه غدا يطرق على الوجه نسناس
ضاعت علومي وارتبشت بمحلي
كني طوير بالهدد شــــــاف قرناس
لولا اكحل العين بهداده يسلي
افرح به اليا صابني منه مفـــراس
لاشفت زوله قمت ارحب واهلي
ولاغاب عني اضرب اخماس باسداس
على وليف كان لي مثل ضلي
قبل اتقــــطع بيننا دروب الاوناس
من يوم انا مااقبلت للديره اللي
ياجعلها باللي بها لالــــف قباس
مالي جمل فيها ولاناقة لي
ولالي بها من بعدهاليوم مجلاس