اكبر مصيبه بالزمن كان تتدرين&&& ابن البدو لعاش حب احضريه... عيد الحب

[محمد المحلكم]

صباح الخير اقدم لكم قصيده كتبتها على عجل واتمنى ان تعجبكم

اربع طعش فبراير العيد عيدين=وقلت اشتري لك يامحمد هديه
قلت اسلمي لاكن على ويش تهدين= ويش السبب يومك هديتي عليه
قالت بعيد الحب عيد المحبين = حبيتي اعبر عن شعور شويه
قلت الخطاء ويخالف السلم والدين= وتحسب علينا لارتكبنا خطيه
الحب عيده خابره للمسحين=والمسلمين العيد فطر وضحيه
قالت مالومك من تحجارك الشين=قديم تمسك دقتك لاوليه
انت بدوي متحجر العقل مسكين=عقلك تحجر من حليب المطيه
قلت انتي اخطيتي علي ليه تخطين= ماعد به شيمه ولا مقدريه
حن بدو للمجد والعز راقين=ماحن نعود للعلوم الرديه
حن بدو يابنت وافين وافين=الرجل منا يحتمي به خويه
حن بدو شجعان كرمان جزلين=ساس الوفاء فينا وساس الحميه
حن بدو وقت المعرك شياطين=اعزومنا وقت الحرايب قويه
خلاص يكفي ماذكرتيه تكفين = يالتني حبيت بنت بدويه
من شان لا سولفت ماغير الشين =ولااااتعبث في حروف ابجديه
اكبر مصيبه بالزمن كان تتدرين= ابن البدو لعاش حب احضريه