خذ الجواب الجوهري والاساسي---

[معوض معيض الخمشي]

هذه القصيده من قصائدي وجهتها الى الشاعر\ حمود بن نايف الهذيل وفيها لغز ونوافيكم بمرده
بعد هذه القصيده واعتبرها المصافحه الاولى لكم \\\\\تحيات\ اخوكم\ معوض معيض الخمشي\

جتـك القصيـده يارفيـق المئاسـي=لاذعذعت نسناسهـا هـب نسنـاس
لاجالها وقـت المضيـف احتباسـي=تحبس محابسهـا محابيـس حبـاس
شـي اعتيـادي يارفيقـي اساسـي=لاغابـت الزهـره توليـت طلمـاس
ترسـي مراسيهـا ثقيـل المراسـي=فرسانهـا مليـون والفيـن حـراس
ماشيبـن دقنـي ولاشـاب راسـي=لو شفت زغر اعيونهن تقل مجباس
متوشحـات ادروعهـن باااللباسـي=متكمكمات اعبيهن وقـت الادمـاس
سود العيـون ادقيقـات الحساسـي=متنوعات اشكالهن نـوع واجنـاس
قلته ولاني يابـن نايـف اسياسـي=انا ابدوي بين النـوازي والاطعـاس
ماهمنـي حلـو الكنـب والكراسـي=لهل الحضاره والحظاره لهـا نـاس
انا ابدوي ياحمـود مرفـوع راسـي=سلم البداوه ساسهـا يرفـع الـراس
مستانسـن مابيـن ربعـي وناسـي=مابين نجر وبيـن دلـه ومحمـاس
وقت الربيـع وعشبهـا باالمحاسـي=فيها الزبيدي بين تربـه وبسبـاس
ريحـة نفلهـا فـاح مالـه مقاسـي=متخالطـن نوارهـا مثـل الاقـواس
اخير من جلسـة رفيقـن اهلاسـي=تاجر سوالـف باالمجاليـس هـلاس
هـذا زمـان الطلمسـه والتناسـي=ناسـن كرامتهـا باالاقـدام تنـداس
انشدك عن بيتن مع الوقـت قاسـي=طاحت اركونـه والشغاميـم جـلاس
طـاح العمـود الريئسـي بنتكاسـي=تنكست اعلامهـم عقـب مـرواس

خذ الجواب الجوهـري والاساسـي=تظمن حلول اللغز في خمس الاحساس