:: البســـــــــــــــــــاط أحمـــــــــــدي ::

[وردة العجمـان]

مســــــــــــــاء/صبــــاح الخيـــــر،،

قصيـــــدة للمــــبـــدع/ســـعـــد بـــــراك

أتمنــــى تــــرضــــي ذائــــقتــــكم،،

عامين مرت على فرقاك وأربع شهور= سنين والحزن ضيفي والبساط أحمدي

لا تحسبني على الدنيا بليد الشعور= وأنا أحمل شعور قلبي فوق راحة يدي

وان كان تنشد عن الضيقة وساع الصدور= رحابة الصدر للضيقات بيت أجودي

تصور إني من الضيقة وكبر الأمور = أخاف لا أورث الضيقة لصدر ولدي!!

الصدر بوابة الضيقة وقلبي عبور= أحيان أحصل جهد وأحيان ضاع اجهدي

وإلا أنت مطغيك طيشك يا حبيب الغرور= لازلت يافع على الدنيا وغصن ندي

مابيك ترجع فمان الله وأنت معذور= مليت اراعيك حلمي والسنين اتعدي

مدام عندي تساوت غيبتك والحضور= لا تحتديني ولا أنته في هواي امحدي

مع السلامة يرافقك الفرح والسرور= خضرا دروبك عسى عمرك طويل ومدي

لي شور ما أطاوع الدنيا على كل شور= باموت وأنا القناعة طرقتي وابلدي

علمني الوقت لاجا من رفيقي قصور= اليا عطيته نهاري ما عطيته غدي

يا كثر من طاح من عيني وقلت معثور= ويا قل من شلت في قلبي وقلت ابعدي

والشعر ما هو سياسة( ويش بين السطور)= على السجية تهادي والشعور يهدي

كتبت فيك القصايد والمشاعر تثور = وأرخصتك بقاف شعري والمزون ابردي

بديتك العام في شعري على كل دور= وأنهيتك اليوم من لحن القصيد الشدي

وان قلت نتعب على الشهرة وحب الظهور= قلنا لك إذا ذبحنا للمراجل فدي

اليا جفتنا الوجيه اللي بليا شعور= لنا الفضاء والنجوم المرقبة والجدي

وســــلاامتكـــم،،