قصيدة رثاء في المرحوم فهيد بن دمشق الوذين العجمــــــــــــي
مناسبة القصيدة عندما دخلت احدى المكتبات وجدت صورة لفهيد بن دمشق تباع كتذكار وهوماسك الطير في يده وهات قريحتي بهذه القصيدة
اكتب ابياتــــي ودمع عينــي عباير
على اللي خبر موته بين العـرب شاع
ياونتي ونت كســـــــــــــير الجباير
يوم اني شفــت صــورة فهـــــيد تنباع
وقفت يامير وفكري من الهم حاير
وعقلــــي مـعـــوبس والقلــــب ملتاع
دنياً غريبه وكل مابها فــي خساير
ان كنت شـاري يامير وان كنت بياع
دنياً نهايتها العــــبد للقبر ســـــاير
ليا جاك القــــــدر تـــرى مامنه مناع
احدٍ يموت يامير وهو بالجـو طاير
وحدٍ يمــوت يامير وهــوللرب ماطاع
وحدٍ بجنة الخلـــد تبنــى له عماير
وحدٍ معذب تشـــــويه النــــــار بالقاع
عساني لك بجنة الخلد يافهيد زاير
ونلتقي يافهيد بفهيد وافـي الباع(1 )
ياحسرتــــي دارت علــينا الدوايــر
يارابحٍ دنياك لاياك تصــــــــــير طماع
وانالابتي من شيـــوخ العشـــــــاير
عجمان لابتي ياميرفـهـــــــود وسباع
هل الونان مابهم من قصـــــــــــاير
هــــذي حقـــــيقه مابها نفاق وخداع
ليانصاهم من عليه الزمن جــــــاير
يلقى اميرٍعـلــى العدى سيـــف قطاع
ولمن نصاه حاتمٍ يحتمل للخســــاير
والطيب لاهوب ينشرى ولاهوب ينباع
وارجو السموحه كان مني قصـــاير
ماقل دل وخافي الهم وسط الاضـــلاع
الهامش
1)المقصودبهذا البيت فهيـد بن محمد الوذين الله يرحمه ويسكنه الجنة
علـــــــي بن ســـــالم العجمــــــــــي
المملكة العربية الســـــــــــــــعودية
مدينة الجبيل الصنـــــــــاعية
14-04-2007, 08:44 AM
العرض الشجري