~~ أبــــوس راس عنــــادهـــا !! ~~

[وردة العجمـان]

مســـــــــــاء /صبــــــاح الخيــــــــر ،،

راحت من يديني كذا وانا اناظر في يدي=لا قادر اوصل دربها ولا قادر اقوى بعادها

حسيت يوم افراقها كن جسدي ماهو جسدي= مثل الشعوب اللي تحس غربة وهي ببلادها

قولو لها محتاجها والشوق حاديني حدي=تعبت من كثر السهر..البعد نفسي بادها

ضاع جهدي فدوة لها لو منها ضاع جهدي=أحط موعد وانتظر يمكن تجي بميعادها

هي بس ترجعلي وانا نذر علي اذبح فدي=واني ماعاد انسى ابد تاريخ عيد ميلادها !

ازعلتها وكان السبب تافه مثل وجه الردي=إني نسيت أبارك للفرح بعيادها !

تطور الموقف وأنا ما كنت في الموقف هدي=كابرت أنا ومثلي هي بعد كابرت بعنادها

الحق معها واعترف والحق ما والله يغدي=والغلطة ما تحسب على اللي لا غلط ما عادها

قولولها يشهد علي الليل والجرح الندي=ساعة عطتني ظهرها والقلب يصرخ نادها

وان كانها عيت تجي وراحت ورى البعد تعدي=الله معاها بس تقول البعد وشهو فادها؟؟

واذا سكتت أو دنقت او طالعت صوب الجدي=تراه ودها بالرجوع وعنادها ما قادها

خلوها لي وأنا أجي أحط يدها في يدي=وكان العناد براسها أبوس راس عنادها!!

الشــــاعــر/ثــــامــــر شبيـــب،،