يا صـبـاح الـخـيـر .. لـو الوقت لــيــل !

[سعود بن مهدي]

صباح الخير او مساء الخير كلن وتوقيته

هذي متواضعه حبيت اشارككم فيها


_______________


يقول :

يا ( صباح الخير ) .. لـو الوقت ! لـيـل = يا مـنـى عين ٍ .. تمنى منك شبح

لاتلوم العين .. يالطرف الكحيل = شفت وجهك وأحسب ان الليل صبح

عاشقك بين العرب .. عسـٌـاف خيل = يكبح .. جماح المهار العرب .. كبح

ياهلاك ٍ !! .. عمري بقربه طويل = ياخساره !! .. كنها للقلب ربح

( الارتياح ) يصير لامن رحت ( ويـل ) = و ( الجمـال ) يصير لامن جيت ( قـبح )

ناقة العشاق .. لأقفت للرحيل = ماعليها لو يزيد الـجـرو .. نبح

مو غريب ! ان صرت في حبك قتيل = دام صدك ذبح ؟ ومواصلك ذبح ؟

يا ( صباح الخير ) يا نعمة جليل = يا ( مساء الخير ) يامدعاة سبح

شفت شعرك ! وأحسب ان الصبح ليل = وشفت وجهك ! وأحسب ان الليل صبح

وطولة عماركم