لبيـــــــــــــــــــــــــــــــــــــــــــــــ ــــــــــــــــــــــــــــــه

[محمدالعمار]

لبيه يا شبه القمر بهامته واطلالته=ولبيه يا ملح الحياه بعرضها وبطولهااا



ولبيه يا خد تبروز وسط عيني شامته=وشفه تجيب العيد فيني لا برز لي لولهاا



اقولها من خافقي لو الشفايا صامته=افز لك من صدةٍ تنسي الرجال اعقولهااا



صدة عزيز ٍ ما قريت إلا حزن سبابته=وجيوش هم ٍ زاحفه صوبي تدق اطبولهااا



انا اشهد ان صدك مرض تدك حالي حالته=وانا اشهد ان في جيتك العافيه بوصولهااا



شف من غلاتك مقرن الحجان باسمك نابته=وعندي كذيا اثبات حبك بس ذا معقولهااا



يا من عليك اضحيت شخص ٍ فرحته قد باعته=حتى تمنيت القدر روحي يجي ويزولهااا



لا بارك الله بالجفا والساعه اللي جابته=ما يثمر إلا اجروح كبد ٍ داخلي اعولهااا



ارحب بقلب ما سقت غيرك ابد سحابته=ما لاق غيرك يرشف صافي قراح اهلولهااا



خذني على درب السعد والهم سكر طاقته=صف النوايا واعتمد كلمه تعرف افعولهااا