اهداء وعسا ان اوفق في الوصول الى ذائقتكم
1خمسةعشر درة ٍ بيـن النبـط والفصيـح = غصت اببحور القصيـد وجيـت مشتالهـا
2 الصوت مبحوح 0 وان غنيت يمكن يبيح = ولا فـــودي بشيلـتـهـا ومـوالـهــا
3 من شان اسلي بها ذاك الضمير الجريـح = اللـي ليا نـاحـر الفِـجـه تـنـوى لـهـا
4 والشاهدالله علـي انـي لعـد الصحيـح = واجاهـد النفـس مهمـا الوقـت سوالـهـا
5 عفوي0 وضد التكلف في الحياه 0 وصريح = واصفـح 0 ولا عامـل الجهـال بعمالـهـا
6 اسلا مع اعزاز الانفس وانبسط واستريـح = ولا ضعـاف الروابـع 0مـالـي ومالـهـا
7 بعض الاوادم على غاية بعضهـا تطيـح = ولا تطيـح الطيـور الا عـلـى اشكالـهـا
8 ومجالس عزاز الانفس قحويانـه وشيـح = رفيـعـة ٍ تـرفـع الـرجـال لاجالـهـا
9 ماياجد الا سعـة خاطـر وهبـات ريـح = ومواقـف تطـرب الطـيّـب ويسلالـهـا
10 ولا انت ياللي ورا المقفي تنط وتصيـح = خلـك بحالـك وخـل النـاس فـي حالهـا
11 القافلـه ماشيـه ماحسـبـت للنبـيـح = داست اخشوم الكـلاب 0 ولا علـى بالهـا
12 ووشفيك تنبح وراهـا يالـردي القبيـح = يعنـي مثـل غِـرة الـفـارس وختالـهـا
13 قال ابن عباد كم صدر ٍ فضحه الكحيح = واليوم انـا اقولهـا لـو كـان قـد قالهـا
14 ولاكثر الله خيـرك َ يايميـن الشحيـح = جـوك ِ النشامـا ولا كرمـتـي اسبالـهـا
15 خمسة عشر بيت تمت مادخلها فصيـح = ومادامـهـا كِمـلـت مـالـي بطوالـهـا
الشاعر : عبدالرحمن بن بديع
العرض الشجري