ســــوق شـــــرق والصواريخ اللي فيه

[جراح بن ضيدان العجمي]

السلام عليكم ورحمة الله وبركاتة

عندي قصيده وارجو ان تحجوز على رضاكم
وهي موقف حصل في احدى الايام انا وصديق لي
وجعلت القصيده قالت وقلت ... واترككم معها

//
//
//
//

في سوق شرق انا وعايش لاسقا ذاك النهار=أنا أشهد أنه في حياتي يوم عن تسعين يوم
قلـنا نجـي ناخذ غرضنا ياطويلين العمار=غـيرالمصـيبه عقب ماجينا بدت كل العلوم
شفنا الهنوف اللي تدمّـر خـافق العـاشـق دمار=اي بالله إنها أخلفت كل الهـقاوي والعزوم
في عينها اليمنى اثار المعركه في قندهـار=وفي عينها اليسرى رجال العز تخضع للرخوم
والقاع لو قفره وطتها ارجيلها تصبح خضار = ياويش ابوصف من حلاها والترافه والنعوم
ناضرتها وقمت اتلفت من يمين ومن يسار=وعلى رفيقي طحت متبهذل ولا قدرت أقوم
وقالت وش اللي صار لك ياهـيه ضيعت المسار=قلت الصراحه من يشوفك يفقد احساسه لزوم
لكن عليك الله واصل النار تبدى مـن شـرار=الجوزتين اللي ((...)) بيع أنا بشري وأسوم
اسوم فيها عمري الباقي وابدفع لك الأجـار=حق السنين المقبله راضي أنا بأيّة رسـوم
وقالت وش اللي صار لك ياهيـه تدعم بالجدار =وقلت من شافك يضيّع راح للطوفه دعوم
وناظرتها ثم طحت كن عيونا ثورة دمار = يالعنبا نظراتها ياكنها ترمي سهوم
وقفت انا مثل الكسير اللي يقاسي الأنسكار=شفت الزمان أظلم وضيع وجهتي .على العموم
قلت أسمحي لي أوصفك مع شديـد الأعتـذار=قالت تفضّل قلت (انتي كوم والعالم في كوم )
قربك لمن يشكي من الدنيا يرد الأعتبار=أجمل بنات الجيل عندك ماتجي ضمن الخصو م
من قال أنه لك شبيه مع أحترامي (ذا حمار)=مالك شبيه ومن يقوله راح خايب وامهزوم
ثم ضحكت يابري حالي والفلك بيّ أستدار=ولا شفت نفسي الا وأنا أصرخ وقطّعت الهدوم
قالت وش اسمك قلت اسمي جرح لا العفو جار=العفو أنا جراح وان خربطت لا لا لاتلوم
واللي مخربطني اشوف الجسم مكشوف الستار=اللبس عاري يغرق السباح واللي به يعوم
تنوره من فوق الركب تخفي حمارٍ مع صفارٍ=والظهر ظهر المهره اللي ماكسبها إلا القروم
أظن شركة تويوتا يوم أصدرت الفكس آر =شافت وصوفك مشيتك حلو الطبايع والوسوم
ياجيفنشي ياكرستنديور ياحلا ماركات الديار =أستغفر الله لو بقول أنك من الشين أمعصوم
يا أجمل اللوحات يا لون الذهب أعلا عيار =طلّتك تخجل منها كل الكواكب والنجوم
لو تدخلين الكاس أوروبا كان أخذتي الأنتصار =أفضل وسيلة هي الهجوم وانا اشهد ان عندك هجوم
بالله يا تاج الحلا انا بوضع الأحتضار =أبي وصالك هذا رقمي كان لك قلبٍ رحوم
لدّت بوجهي وصرخت ( بلاش من لعب الصغار)=مدام هذي نيّتك جعلك تطيح وماتقوم

تــنـــويـــه :- (( جفنشي / وكرستنديور )) ماركاات مشهورة

//
//
//
وسلامتكم
//
//
جراح بن ضيدان العجمي