امؤمن الريفي انا جيتك زبون(محمد ابن فطيس)

[جطلي بن فهد]

لفارس المليون/الشاعر : محمد بن حمد بن فطيس المري

قبل أن يذهب الى قسم جراحة العيون لعمل عملية لاحد عيونه عند دكتور اسمه مؤمن الريفي وقال../

(يامؤمن الريفـي )انـا جيتـك زبـون
جيتك على مدح اكثـر النـاس وعنيـت
جيـت وتعالـى الله عمّـا يشـركـون
لولاه (يامؤمـن) لطبـك مـا اهتديـت
راضي بحكـم الله علـي مهمـا يكـون
عالج عيونـي لـو بعـد طبـك عميـت
ودي اخاشـر فالبصـر مـن يبصـرون
واشوف دربي لا سرحـت ولا ضويـت
والى قنصت اثبت مـع اللـي يثبتـون
واشوف طيري كل ما اوميـت ودعيـت
ياااكثر ما يضـرب خويـي (الطابلـون)
من كثر مـا اكلّتـه مطبـاات وكليـت
وودي اشـوف اللـي علـي يعرضـون
وبعض الليالي ودي اسـري دون ليـت
وااشوف نـاس ٍ فالقفـا مـا يرحمـون
امـا وقفـت لصاحبـي والا مشـيـت
مـن دون نظـاره ولا هـم يحـزنـون
يااا كثر ما كسّـرت كشمـات وشريـت
لكـنٌ يـا دكتـور جعلـك مـا تهـون
ابغيك كلمـت راس دامـك مـا بديـت
اسمع......ولا ابغي اللي وزانك يسمعون
ربي كتب يكشف لك اسـراري وجيـت
صورة عديـل الـروح عنـدك فالعيـون
واخاف تقطعهـا بموسـك مـا وعيـت
ولا عليك امر..اطوهـا تحـت الجفـون
وعقبه لو تقطـع عيونـي مـا شكيـت
هي راس مالي والعـرب مـا يدركـون
اني على بـاب الممـات و مـا حكيـت
ياقـو قلبـي يـوم قـفـن الضـعـون
اللـي علـى ذاك المـوادع مـا بكيـت
ويا صبر صبـري والعـواذل يحسبـون
اني دلهـت مـن الهـوى والا سليـت
اسكت عساهم مـن سكاتـي يسكتـون
وانا عن اللي في ضميري مـا انتهيـت
وادور الفرحـه مـع اللـي يسهـرون
وان ذكرونـي خـذت فنجـال وسريـت
اخذت من وقتـك يـا دكتـور العيـون
عالج عيونـي لـو بعـد طبـك عميـت
واستر علي واللـي معـك لا يفطنـون
انت الوحيـد اللـي بعـد ربـي دريـت

اتمنى ان تحوز على رضاكم


واعذروني على الغيبه والقصور