قلبك حجر مـا حـنّ يـومٍ عليّـه ...!!

[الـنايفه]

صبحكم آلله بالخير والمسرآت....

قصيده اعجتني وحبيت انقلها لكم...


ودعتك الله لو على قلبـي اخطيـت

و حاربتني من دون ذنـب وخطيّـه

احسبك تذكرني إذا اصبحت وامسيت

واثرك على فرقـاي نفسـك هنيّـه

الله واكبـر كيـف عنّـي تخلّيـت

من بعد ما علقـت روحـي البريّـه

وش غيّرك وش بدّلك ليـه صدّيـت


ونت الذي بالقلـب نبـض وهويّـه

من هو بقى لي بعدما عنّـي اقفيـت

وقدمتنـي للحـزن اثمـن هـديّـه

كلـش تخيلتـه ولا يـوم ظنـيـت

إنك لحـد غيـري ولانتـاب ليّـه

ويلك من الله كيف بالحب ضحّيـت

قلبك حجر مـا حـنّ يـومٍ عليّـه

اللي بنينا بْعمر فـي يـوم هدّيـت

واحلامنـا مـا عـاد منهـا بقيّـه

اتعـد غلطاتـي إذا يـوم زلـيـت

من دون مدري .. وين ذيك الحميّه

مافيه معصوم الخطا لـو تحريـت

ولا فيه كامـل غيـر رب البريّـه

ولو ما احبك ما نشدتك ولا اطريت


بعـدك وصـدك وانتخيتـك نخيّـه

ترجع لقلـبٍ يـوم بالعقـل حبيـت

وتترك هل الأحقاد واهـل الوشيّـه

خايف عليك وخايـفٍ منـك ياليـت

مايوم حبيتـك وصـرت الضحيّـه

لا نيب حي بعد هجرك ولا مـيـت

ولا ني مريـض ينعـرف بالشكيّـه

لكنـي ادرى بحالتـي لا تـرديـت

ولا ينفـع الملتـاع طبـه وكـيّـه

مالي سوى اللي كلمـا راح ناديـت


يا كـود يسمعنـي ويرجـع إليّـه


آنشالله اعجبتكم...

خالص آلود..

آم خآلد