الحب مر وظاهر الحب سكر !!

[نـــهــر آلــعــســل]

قصيده إعجبتني وحبيت أنقلها لكم وللأسف ما أعرف كاتبها . .

عساها تعجبكم . . .
.
.
.
.
.

أحاول أنسى ما مضى أتذكّر = لين أتعبتني ذكرياتي ومليت
لاجيت بنسى اللي حصل قمت أفكّر = وشلون بعد اللي حصل ما تناسيت
حاولت ونهاية طريقي مسكّّر = ما جت نهاية دربي بما تمنيت
حارت بي أقدامي وعيني تفكّر = مدري غلطت أو مادري ويش سويت
ومادام طاري ماضي الوقت بكّر = خلوني أكتب لي بطاريه كم بيت
معذور ياللي للمحبه تنكّر = ما اصبحت في رجوى المواجه ولا امسيت
لكن وبعد اللي عملت أتشكّر = طقه وأنا من بعدها شفت وأوحيت
يعني صفا جوي بعد ما تعكّر = عدّت معك سحابته يوم قفيت
الحب مر وظاهر الحب سكّر = وأنا خدعني سكره لين حبيت

تقبلوا تحياتي . .