( انكساري ) انكسرت من الفراق وشوف عيني

[ابوحمد الشامري]

انكسرت من الفراق وشوف عيني = شوف عيني وانت تدري بإنكساري
كل ما مديت لوصالك يميني = رحت تتجاهل يميني مع يساري
حتى صرت اشوف جرحك في يديني= في يديني لجول صداتك مواري
حس فيها لا بلاها حس فيني= لا تعبرها لكن رد اعتباري
وين مِقفي جعلك منت مِنتِويني = بالجفا والخوف وانواع العزاري
اهلي يا نصف ربعي يا خديني= يا مواني غربتي يا روح داري
يا شموخي يا انكشافي يا دفيني = يا عِلوِّي يا بقائي يا إنحداري
يا بداياتي يا أمائي يا إكسجيني = يا إندثاري يا إعتدالي يا إزدهاري
يا بلادت حسي وقِمَّت حنيني = يا إختياري لا يا عَشواء إختياري
أعشقك من عادني في اول سنيني= لين صرت آخذ مع نفسي قراري
من عرفتك وانت ثالث والديني = واللجوء إِليك يعني لك فراري
ضمني خل الضَّرَر بينك وبيني= الضَّرر من ضَمتك شيء إضطراري
خل يَدينك من الجور تحميني= من جنودي عِيش إلين إنصهاري
كل ما ضاقت بعيني يا معيني= ابتسمت وصار لي ليلي نهاري
فلا سكت تروح بالطيش تحكيني= رَجعي بطبعك وبإسلوبك حضاري
ما ذبحني فيك إلا إنك تبيني = وما سحرني إلا حكاك الاستعاري
لا حَكيت احس بأشياء تعتريني = وانخشع قلبي وتطري لي طواري
اعشق حَكيِك واحفظه يا ظنيني = حِفظ ابن تيمية لحكي البخاري
ولا سِكَت احط يَدِي في جبيني= وارجي الله ما يطول بإنتظاري
ادري إني عندك وأسألك ويني= داري لكن ماكني إبداري
لين شيطاني تلفظ كَلمِتين = ورحت مني ما تبي سَمع إعتذاري
لا تبكيني وتفرح عاذليني = لا تخسرني بعد كُبر إنتصاري
لا تخليني بعد فيضة كنيني = وانت خابرني على الوصل إنتحاري
لا تروح بروحتك كلٍ يجيني = ماني إمكابِر ولا حتى مداري
انكسرت من الفراق وشوف عيني = شوف عيني وانت تدري بإنكساري

__________________
[color=0000FF][b][font=Times New Roman][align=center]

سَيَذْكُرُنـي قَوْمي إذا جَدّ جدّهُـمْ=وفِي اللَّيْلَةِ الظَلْمَـاءِ يُفْتَقَـدُ البَـدْرُ
وَلَوْ سَدّ غَيرِي ما سددتُ اكتفَوْا بـهِ=وَما كانَ يَغلو التّبـرُ لَوْ نَفَقَ الصُّفْـرُ
وَنَحْنُ أُنَـاسٌ ، لا تَوَسُّـطَ عِنْدَنَـا=لَنَا الصّدرُ ، دُونَ العالَمينَ ، أو القَبرُ
تَهُـونُ عَلَيْنَا فِي المَعَالـي نُفُوسُنَـا=وَمَنْ يخَطَبَ الحَسناءَ لَمْ يُغلِها المَهـرُ
أعَزُّ بَني الدّنْيَا وَأعْلَـى ذَوِي العُـلا=وَأكرَمُ مَن فَوقَ التـرَابِ وَلا فَخـْرُ