يارشيد الطيب فالطيب رصيد = راس مالٍ ماخسر من يرصده؟

[(هاوي قصيد)]

قصيده لشاعر العذب والمبدع \ محمد بن علوش الهاجري

راجي ان تنال على اعجابكم :

يارشيد الطيب فالطيب رصيد = راس مالٍ ماخسر من يرصده

راس مال ومال ماينقص يزيد = من زرع فالطيب الطيب اوجده

حتى لو جد بعلاقتكم جديد = من لمور الواجد المتعدده

اختلاف او سوء فهم إلما يريد = يانت ماتقصد ياهو مايقصده

المهم انك بتعدة وهو بعيد = منه انت ومنك هو على حده

ماحدٍ منكم خسر لكن اكيد = ارصدكم تعتبر متجمده

لين احد منكم يحاول يستعيد = رفقة الثاني قبل لا يفقده

او حداكم يكربه يومٍ شديد = وينصدم بفلاس معظم لرصده

لو هو من لجناب ياتيلك عضيد = كنك اخوه او ولد اخوه او ولده

وسلامتكم