قصيدة للشاعر المغفور له بأذن الله:-عامر بن حمد بن نوطان ال جابر المري

[العقـ(أبن)ـيد]

تقول مايلي:-

أنا ماهقيت يسوي الوقت ماسواه = وخان الزمان وعادة الوقت خواني

وياحي من هذه دياره وذا مرباه=ذواري هبوب النود من فوقها باني

أنا يوم شفت البيت متهدمٍ مبناه=تذكرت زولٍ كان فالبيت سكاني

أنادي عليه وساقي العين جاريٍ ماه= وأنا داريٍ لو تحريت ماجاني

ظلمني الزمان اللي جبرني على فرقـاه=صواديـف بقعـا شرهـا ماتعـدانـي

صدوف الزمان وطول صبر لحقت أقصاه=حدتني علـى مبـدا الطويلـة مسيانـي

الا جيت عد قـد نـزل مـاه وألاجـاه=تسابق دموعي واظهرت خافي احزانـي

أنا كيف بدله واطمع ان خاطري ينسـاه=وأنـا كـل مامريـت مدهالـه ابكانـي

إلا جات بـه الاخبـار وإلاحـد طـراه=ماعاد اتسمع صوت مـن زيـد حكانـي

أعيـش بخيالـه واتنـادم مـع ذكـراه=ويدوي بي الهاجوس فـي عالـم ثانـي

يغيم سمـاي إلا تواجهـت أنـا ويـاه=وحتى الحكي ماعاد ينطق بـه لسانـي

قضى العمر كله عادني في رجا لا مـاه=وطال الرجاء واليـاس قـام يتحدانـي

هو اللي تتوق النفس لمشاهـدة وحكـاه=ولاجا بقلبـي عنـه سجـه ونسيانـي

وتقبلوا فائق الاحترام وتقدير
أخوكــــم:-العقــــــــــــــ(أبن)ــــــــــيد