((( الغصـــــه )))

[سالم محمد اليامي]

مساء الخير والنور

اذكروا الله

وصلوا على محمد

والعنوا بليس




السلام عليكم ورحمة الله وبركاته
بسم الله الرحمن الرحيم

الغصـه اللـي ناشبـه داخـل الــزور=لـو عـاش راسـي للأبـد مانثـرهـا
وماحلهـا ساحـر وكـاهـن ودكـتـور=ويبطـون ماجابـوا مصـادر خبـرهـا
ياليتهـا غصـة قصـايـد وحنـجـور=كان اقلب الساحـه علـى اللـي نحرهـا
واصاقـع براسيـن تركـي ومسـتـور=كـذا طناخـة راس يـقـدح شـررهـا
وادوس روس العور وادعس على الصور=واحتدهـا فــي زاويــه واحشـرهـا
واهجي وراعيـن الشعـر دون محظـور=والعـن ثـواهـا كلـهـا واحتقـرهـا
واطلـع وانـا خلفـي قبايـل وجمهـور=ماتنحصـر لـو حاولـوا فـي حصرهـا
لكنهـا غصـة أحاسـيـس وشـعـور=هليتهـا والـلـي نشـرهـا نشـرهـا
احـس فـي صـدري ثمانيـن دافـور=بانـت علـى وجهـي معالـم خطـرهـا
فكري مشتـت والصـدر صايـر يفـور=والعين تشكـي مـن سبايـب سهرهـا
ومن طب في بحر الهوى عاش معـذور=واحـلا سنيـن العمـر يقطـف زهرهـا
مـن وقتهـا وانـا مهـوي ومطـيـور=مقلـع سمـا والكبـد بـيـده مـزرهـا
يامضيعه مـن سـوق توفـي وغنـدور=طلـي علـى نفـسِ خـذاهـا فحـرهـا
وروفي بحال اللي مـن الوقـت مدمـور=حظـه ردي واغلـب حظوظـه خسرهـا
في غيبتـك ضايـق ولانـي بمسـرور=ونفسـي ورب البيـت زايـد كـدرهـا
من ضيقتي أضرب بخمسي على الـزور=واصيـح صيحـة مـن يمنـه عقرها
والحـب عايـش طـول الايـام معمـور=ماهزتـه عـوج السنـيـن وقهـرهـا
يقولـه اللـي بالهـوى شيـد قـصـور=لجـل اللـذي كلتـا عيونـي سحـرهـا
ماهـي بهامـوره ولا بـنـت هـامـور=بنـت الشيـوخ اللـي تزايـد فخـرهـا
واللي أبوهـا بيـن ذا النـاس مذكـور=يـوم ان بعـض النـاس محـدٍ ذكرهـا
حوريـةٍ ماهـي مثـل باقـي الـحـور=قلبـي وعمـري والقصـايـد مهـرهـا
مكانهـا فـي داخـل القلـب محـفـور=عـمـار يــادارٍ وليـفـي عمـرهـا
ماهـو بحـب ايـام وليـال وشـهـور=يبقـى اليـن الرجـل يفـنـى أثـرهـا
وتبقين فـوق النـاس يامطلـع النـور=ياجمـل جميـلات البـنـات وثمـرهـا
ويبقى معك قلبي علـى طـول محصـور=فديـت مـن تـل العـروق وحصـرهـا
والكلمه اللـي وصلهـا العلـم والـدور=وصـدري حظنهـا والفـؤاد احتكـرهـا
مسحـورةٍ فـي دم رجــال مسـحـور=ليـن القبـور يطيـح فيـهـا ذمـرهـا

وسلامكتم
سالم اليامي