ياليل ياللـي جذبنـي نـور براقـه = ابروقه السامرة ممسيـت اطلعهـا

[(هاوي قصيد)]

قصيده لشاعر \ محمد بن دغش القرفي الهاجري

راجي ان تنال على اعجابكم ,,,

ياليل ياللـي جذبنـي نـور براقـه = ابروقه السامرة ممسيـت اطالعهـا

من مقدم الليل حتى حـزة اشراقـه = الناس في غفلة منها وأنـا معهـا

السيل من زود وبلـه كثـر دفاقـه = المجحرة مـن مساكنهـا يطلعهـا

احيا هشيم الشجر سبحان خلاقـه = اصناعة ما حدن غيـره بصانعهـا

لكن لون النبات وخضـرة اوراقـه = ازهور راعي الورود اللي يجمعهـا

فيه ام سالم تجر الصوت مشتاقـه = اتهيضك باللحون اللـي تروجعهـا

يرحل على الذكو راعي الشاه والناقة = اللي له سنيـن واشهـور يتابعهـا

لول نزل فيه والثاني على الساقـة = من شاف له فيضة خضرا يربعهـا

بيت الشعر فيه مزين مـدة ارواقـه = وادلال راعيـة فالمجلـس يلمعهـا

فنجالها العذب يقعد راس من ذاقـه = يسحب لها الجمر وان فاحت يونعها

يا حلو فنجالها الأشقر على الفاقـة = من كل الأشكال راعيهـا منوعهـا

ناس على الطيب والمعروف سباقه = فعالة الطيب مـا تخلـف طبايعهـا

عيني لشوف الفياض الخضر عشاقه = مع كل شيء خضر ربـي مولعهـا

لا روح الجيب حدرك كن تصلفاتـه = شيهانة فرعت من عقـب برقعهـا

يطوي بعيد الريادي حـدر سواقـه = البيـد كنـه ينزلـهـا ويرفعـهـا

مضـواه ملهوفـة للقلـب سراقـه = اللي كما مدمـع العفـري مدامعهـا

اللي تصون العهد ما هيـب بواقـه = ادموعها وادعتنـي قبـل اوادعهـا

سبعة شهور وانا اشكي لوعة افراقه = الستة اللي مضت والفطر سابعهـا

من شانها جاتك الامثـال مناسقـة = اسمانها جات والهـزلات ارجعهـا

يقول اللي يعرف الشعـر واسواقـه = اللي ليا من بغاهـا مـا يضيعهـا

وسلامتكم