((لبيه لو في غيابه ))

[سعد بن سلطان]

اطل عليكم في قصيده ارجو ان تحوز على رضاكم ....




لبيه لو في غيابه

بسم الله ابدي والردا ما نبديه = وصلاه ربي للنبي والصحابه
الشعر بالياقوت والماس نكسيه=وفي جوهره ابداع وصف وغرابه
تصوير بالمعنى واحساس نِبديه=نطير بك فوق السما والسحابه
بيقول جمهوري عسى ما شر اشفيه=ما يبتدي بالحب والي سعابه
الحب..يكبر بس لابد نعطيه=وقت وحنان وعطف فأول شبابه
والنفس تهوا لكن الحظ مافيه=وربي كتب رزق البشر في كتابه
ولامن طرالي صاحبي قلت لبيه=البي الحالي ولو في غيابه
وعسى الذي ما يعرف الحب ياتيه=شي ٍ يخلي وسط قلبه خرابه
والقلب لامنه فضا حب مابيه= وهلا ً هلا به لنتعش ومتلابه
دقايق الحب الموقّت بتنبيه=يدق تنبيه الغضي ما درابه
فيروس حبه منتشر كيف اداويه=ماعاد يشفى خافقي من عذابه
اذا زعل من يعشقك قبّل ايديه=واذا رضا اثقل واذا جاك سابه*
باقي معي نقطه صغيره وتنويه=وسؤل يحمل في وجوده اجابه
صار الهوا في الزمن بس ترفيه=فتره قصيره لبتدا وانتهابه
والي لعب بالحب في يوم بيجيه=سطوه غلا بالشوق مر ٍ شرابه
اما طريق الحب ماشيه ماشيه=مشيت وحدي والغضي ما مشابه
يا بو سعد في خافقي صوت توحيه= محد ٍ سمع صوته ولحد ٍ درابه
دقات قلبي كل ما دق تطريه=كنه غرس في خافقي كل نابه
يا سفح دمعي كل ما حل طاريه=الله يلعن حظي الي غدابه
الي بدا بالحب وشلون ينهيه؟؟=والي انتها وشلون عوّد بدابه؟؟
لحظه طرالي صاحبي آه لبيه=روحي تسلّم نشقوني ثيابه
سلام يا الطاري ولا عاد تطريه=واذا طرا لبيه لو في غيابه

سعد بن طخيمه العجمي